- 2021-05-04 08:02:04
- ចម្រៀង
មិនចាញ់ម្ចាស់ដើម! ពុធ មិថុនា បង្ហាញលក្ខណៈពិសេស នៃបទ"លក់គោយន្ត"
- 2021-05-04 08:02:04
- ចំនួនមតិ 0 | ចំនួនចែករំលែក 0
មិនចាញ់ម្ចាស់ដើម! ពុធ មិថុនា បង្ហាញលក្ខណៈពិសេស នៃបទ"លក់គោយន្ត"
ចន្លោះមិនឃើញ
បទ"លក់គោយន្ត" ជាស្នាដៃនិពន្ធ និងជាសំនៀងដើមរបស់តារាចម្រៀងវ័យក្មេង Noly Records បង្ហោះតាមបណ្ដាញសង្គមYoutube និងFacebook តាំងពីពាក់កណ្ដាលខែមេសា ឆ្នាំ២០២១។ បទនេះ កាន់តែពេញនិយម ដោយមានអ្នកចម្រៀងទាំងក្មេងទាំងចាស់លើកយកបទនេះមកច្រៀងឡើងវិញ។
ថ្ងៃនេះមានតារាចម្រៀងប្រុសវ័យក្មេងម្នាក់ទៀត បាននិយាយពីលក្ខណៈពិសេស នៃបទ"លក់គោយន្ត" ហើយថែមទាំងបានលើកយកបទនេះមកច្រៀងឡើងវិញយ៉ាងពីរោះទៀតផង នោះគឺលោក ពុធ មិថុនា។ មុនលើកយកបទនេះមកច្រៀងឡើងវិញ ពុធ មិថុនា មើលឃើញលក្ខណៈពិសេសចំនួនពីរ។
ពុធ មិថុនា៖"និយាយទៅ...ទី១ខ្ញុំស្រឡាញ់បទ"លក់គោយន្ត" ព្រោះវាច្រៀងទៅដូចស៊ីនឹងសំឡេងខ្ញុំដែរ ហើយទី២ វាជាប្រភេទបទប្លែកគេ ដែលអាចស្ដាប់បានទាំងមនុស្សចាស់ និងក្មេង...វាមិនសម័យពេក ហើយវាក៏មិនបុរាណពេក"។
តារាចម្រៀង និងជាអ្នកនិពន្ធវ័យក្មេង ពុធ មិថុនា បានប្រឡូកក្នុងអាជីពតែងនិពន្ធ និងច្រៀងតាំងពីឆ្នាំ២០២៨។ ក្រៅពីច្រៀងឡើងវិញនូវបទមរតកដើម និងបទពេញនិយមជាច្រើននោះ មិថុនា ក៏មានបទចម្រៀងដែលជាស្នាដៃនិពន្ធ និងច្រៀងដោយខ្លួនឯងជាង១០បទដែរ។ បទផ្ទាល់ខ្លួនដែលបានចេញ ហើយទទួលបានការគាំទ្រច្រើន គឺមានដូចជាបទ"ក្រមុំយំចង់បានប្ដី" និងបទ"ត្រឹមអ្នកកំដរ"ជាដើម៕
