- 2021-05-26 12:18:10
- ព័ត៌មាន
ដេនី ក្វាន់ លើកពីកិត្តិយសនារីខ្មែរក្នុងបណ្ដឹង តែ ផែង វណ្ណៈ ថាកន្លងមក នាងមិនដែលឲ្យតម្លៃនារីខ្មែរទេ!
- 2021-05-26 12:18:10
- ចំនួនមតិ 0 | ចំនួនចែករំលែក 0
ដេនី ក្វាន់ លើកពីកិត្តិយសនារីខ្មែរក្នុងបណ្ដឹង តែ ផែង វណ្ណៈ ថាកន្លងមក នាងមិនដែលឲ្យតម្លៃនារីខ្មែរទេ!
ចន្លោះមិនឃើញ
កញ្ញា ដេនី ក្វាន់ បានលើកពីការប៉ះពាល់ដល់កិត្តិយសនាងជាស្ត្រីខ្មែរ ក្រោយពីភាគីខាងសណ្ឋាគារព្រមសងប្រាក់ត្រឹម ១ម៉ឺនដុល្លារ ខណៈលោក ផែង វណ្ណៈ បានលើកឡើងដែរថា កន្លងមកនាង មិនដែលឲ្យតម្លៃលើស្ត្រីខ្មែរនោះទេ។
ដេនី ក្វាន់ ដែលស្ងប់ស្ងាត់យូរហើយនោះ នៅថ្ងៃម្សិលមិញ បានធ្វើឲ្យមានការភ្ញាក់ផ្អើល ក្រោយពីបែករឿងនាងទៅដេកនៅសណ្ឋាគារមួយកន្លែងនៅខេត្តព្រះសីហនុ ហើយរងគ្រោះដោយសារកាមេរ៉ាបង្កប់ក្នុងបន្ទប់ហើយថតបានរូបអាក្រាតរបស់នាង។ រឿងនេះ បានកើតឡើងតាំងពីខែតុលា ឆ្នាំ ២០២០ ខណៈម្ចាស់សណ្ឋាគារដែលជាស្ត្រីវ័យ ៤៨ឆ្នាំ ក៏ត្រូវបានឃុំខ្លួនតាំងពីពេលនោះមកដែរ។
សាច់រឿងបានស្ងប់ស្ងាត់ជាច្រើនខែ ប៉ុន្តែទីបំផុតនៅថ្ងៃម្សិលមិញនាង បានទំលាយរឿងនេះឡើង ក្រោយពីភាគីខាងសណ្ឋាគារសម្រេចសង ១ម៉ឺនដុល្លារ ប៉ុន្តែនៅក្នុងបណ្ដឹង ភាគីតារាស្រីទាមទារ ១០ម៉ឺនដុល្លារអាមេរិក។ ស្ថានភាពនេះ នាងក៏បានបើកកកាយសាច់រឿងឡើង ដោយនាងយល់ថា សំណងដែលភាគីម្ខាងទៀតផ្ដល់ឲ្យ គឺមិនសមនឹងការខូចខាតរបស់នាង ជានារីខ្មែរ ដែលនាងអះអាងថា គឺជារឿងអយុត្តិធម៌។
ចំពោះបញ្ហានេះ លោក ផែង វណ្ណៈ អ្នករាយការណ៍ព័ត៌មានមួយរូប និងជាបុគ្គលល្បីនៅលើបណ្ដាញសង្គមម្នាក់ដែរនោះលើកឡើងថា តើយុត្តិធម៌ ស្ថិតនៅលើលុយតិច ឬលុយច្រើន? លោកថា នៅគ្រានេះ តារាស្រីរងគ្រោះសុខចិត្តទម្លាយចេញរឿងរ៉ាវ ទើបសាធារណជនបានដឹង ប៉ុន្តែប្រសិនបើសំណងបានគ្រប់តាមការទាមទារ ម្ល៉េះគ្រប់គ្នានឹងមិនដឹងរឿងនេះទេ ហើយរឿងសណ្ឋាគារបង្កប់កាមេរ៉ាក្នុងបន្ទប់សម្រាប់ជួយឲ្យភ្ញៀវនេះ នឹងមានអ្នករងគ្រោះបន្តបន្ទាប់ទៀត។
លោក ផែង វណ្ណៈ លើកឡើងបន្តថា "ដោយសារតែជំងឺចិត្ត ១ម៉ឺនដុល្លារ មិនឆ្លេីយតបតាមការទាមទាររបស់ខ្លួនចំនួន ១០ ម៉ឺន ដុល្លារ ក៏ផ្ទុះសម្រែកថា អយុត្តិធម៌ ? ក្រៅពីសម្រែកពាក្យ អយុត្តិធម៌ គាត់បានលេីកយកបញ្ហាកិត្តិយសស្ត្រីខ្មែរមកដាក់ពីមុខហាក់ដូចគាត់ស្រលាញ់កិត្តិយសស្ត្រីខ្មែរខ្លាំងណាស់ ។ តែបេីមេីលពីសកម្មភាព និង បងប្អូនគាត់វិញ គឺ មិនដែលអោយតម្លៃស្ត្រីខ្មែរទេ...”។
លោកបន្តថា តាមការលោកកត់សម្គាល់ តារារងគ្រោះ កន្លងមកស្លៀកពាក់សិចស៊ី និងស្រែកជេរបញ្ចោរតាមបណ្ដាញសង្គមជារឿយៗ។ "តេីការស្រែកជេរបញ្ចោរគេតាមហ្វេសប៊ុកកន្លងមកក៏ដូចជាការស្លៀកលិចលេីលិចក្រោម ជាការលេីកកិត្តិយសស្ត្រីខ្មែរឬ ?”។ លោក ផែង វណ្ណៈ បន្ថែម។
ឆ្លើយតបបញ្ហានេះ ដេនី ក្វាន់ ទទូើថា នាងធ្លាប់សិចស៊ីមែន ព្រោះវាចំណូលចិត្តរបស់នាង ប៉ុន្តែនោះជារឿងអតីតកាល ដែលនាងធ្លាប់ខុស ហើយក៏ធ្លាប់សុំទោសសាធារណជន និងកែប្រែហើយដែរនាពេលបច្ចុប្បន្ន។ ដូច្នេះហើយ នាងថា សូមកុំយកភាពសិចស៊ីមកវាយប្រហារនាងទៀត។ "ទោះខ្ញុំ សិចស៊ីមែន តែខ្ញុំក៏មានកិត្តិយសដែរ ដោយឡែករឿង ១ម៉ឺនដុល្លារ តិច គឺតិចមែន មិនសមនឹងកិត្តិយសខ្ញុំ គឺមិនសមមែន ហើយមិនមែនតែកិត្តិយសខ្ញុំទេ ទោះបងប្អូនដែលកំពុងមើលឡាយរបស់ខ្ញុំនេះ ក៏មិនសមនឹងកិត្តិយសបងប្អូនដែរ!"។
ជុំវិញរឿងហេតុខាងលើ ក្រោយមានបណ្ដឹងពីភាគីតារាស្រីរងគ្រោះ ម្ចាស់សណ្ឋាគារត្រូវបានសមត្ថកិច្ចចាប់ឃុំខ្លួន។ ដោយឡែកសណ្ឋាគារ ដែលជាទីតាំងកើតបទល្មើស ក៏បានផ្អាកដំណើររួចហើយតាំងពីថ្ងៃកើតហេតុរបស់ ដេនី ក្វាន់ ដែរ៕
