- 2021-05-27 00:12:11
- ព័ត៌មាន
បន្ថែមលើការស្ដីបន្ទោស អ្នកខ្លះថា ដេននី ក្វាន់ មានចេតនាទុកឲ្យមានជនរងគ្រោះដទៃទៀត តែនាងព្រលះវិញយ៉ាងចាស់ដៃ
- 2021-05-27 00:12:11
- ចំនួនមតិ 0 | ចំនួនចែករំលែក 0
បន្ថែមលើការស្ដីបន្ទោស អ្នកខ្លះថា ដេននី ក្វាន់ មានចេតនាទុកឲ្យមានជនរងគ្រោះដទៃទៀត តែនាងព្រលះវិញយ៉ាងចាស់ដៃ
ចន្លោះមិនឃើញ
តារាម៉ូដែល ដេននី ក្វាន់ បានប្ដូរចិត្តបើកLive ដើម្បីបកស្រាយជុំវិញក្ដីក្ដាំរបស់ខ្លួនមុនកាលបរិច្ឆេទដែលរូបនាង និងមេធាវីបានគ្រោងទុកនៅដើមខែមិថុនា ឆ្នាំ២០២១ មកLive នៅល្ងាចមិញនេះវិញ។ ដេននី ក្វាន់ ថានាងជាជនរងគ្រោះបែរទៅជាអ្នកខុសចិត្តមហាជនវិញ ដោយអ្នកខ្លះថានាងមិនលាតត្រដាងរឿងរ៉ាវនោះភ្លាមៗ ព្រោះមានចេតនាផ្សេង។
ដេននី ក្វាន់ បានទទួលសំណួរ និងការរិះគន់យ៉ាងច្រើនទាំងតាមរយៈទូរស័ព្ទ និងតាមChat ក្រោយពីនាងបង្ហើបរឿងម្ចាស់សណ្ឋាគារមួយនៅក្រុងព្រះសីហនុលួចបង្កប់កាមេរ៉ាថតសកម្មភាពនាងក្នុងបន្ទប់នាងជួលគេងកាលពី៨ខែមុន។ ក្នុងចំណោមអ្នកចូលទស្សនាការLive និងComment មួយចំនួនបានដាក់ជាសំណួរថា រឿងរ៉ាវនេះបានកើតឡើង៨ខែហើយ មិនដឹងថាមានជនរងគ្រោះប៉ុន្មាននាក់ទៀតទេ ហើយទើបតែមកបញ្ចេញដំណឹងនេះឥឡូវទៅវិញ។
ដេននី ក្វាន់៖"ភ្លាមៗខ្ញុំក៏បានសរសេរដាក់នៅលើStatus ខ្ញុំដែរ តែសមត្ថកិច្ចសុំឲ្យលប់វិញដើម្បីកុំវាយស្មៅបង្អើលពស់ ព្រោះថៅកែស្រីនោះមិនទាន់ចាប់បានទេ ហើយខ្ញុំក៏គោរពតាមសមត្ថកិច្ច។ តែខ្ញុំសូមបញ្ជាក់ដល់អ្នកខួរអន់មួយចំនួនថា អត់មានជនរងគ្រោះក្រោយខ្ញុំទៀតទេ មានតែអ្នកគេងមុនៗ ព្រោះសណ្ឋាគារបានបិទអាជីវកម្មភ្លាមៗតាំងពីកាលនោះ"។
នៅក្នុងវីដេអូLive រយៈពេលជាង៤០នាទីរបស់ដេននី ក្វាន់ បញ្ជាក់ថា ជនរងគ្រោះដែលបានទៅគេងសណ្ឋាគារនោះមុនៗនាង ហើយគិតថាប៉ះពាល់ដល់កិត្តិយស អាចធ្វើការប្ដឹងបាន តែសម្រាប់ករណីនាងត្រូវបានតុលាការកំពូលចេញសាលក្រមស្ថាពរហើយ ដោយកាត់ឲ្យម្ចាស់សណ្ឋាគារសងជំងឺចិត្តចំនួន១ម៉ឺនដុល្លារ។ ប៉ុន្តែសំណងនោះមិនទាន់បានមកដល់ដៃនាងនៅឡើយទេ ហើយបើសំណងនោះមកដល់ដៃក៏នាងយកវាទៅធ្វើសកម្មភាពមនុស្សធម៌ទាំងអស់ដែរ៕
