- 2021-09-09 07:06:11
- ចម្រៀង
បទថៃល្បីខ្លាំងក្នុងTik Tok នេះ តាមពិតមានប្រភព និងលំនាំសំនៀងដើមពីខ្មែរសោះ!
- 2021-09-09 07:06:11
- ចំនួនមតិ 0 | ចំនួនចែករំលែក 0
បទថៃល្បីខ្លាំងក្នុងTik Tok នេះ តាមពិតមានប្រភព និងលំនាំសំនៀងដើមពីខ្មែរសោះ!
ចន្លោះមិនឃើញ
អ្នកលេងបណ្ដាញសង្គម ជាពិសេសអ្នកលេង Tik Tok បាននាំគ្នាចែករំលែកកាន់តែច្រើនឡើងនូវចម្រៀងថៃ១បទដែលលំនាំបទខ្មែរក្រោមចំណងជើងថា"៥ឆ្នាំទៀតម៉ែ"ដែលជាសំនៀងដើមរបស់តារាចម្រៀងចាស់វស្សារបស់ខ្មែរយើង គឺអ្នកនាង ម៉េង កែវពេជ្រចិន្ដា។
សំនៀងដែលកំពុងពេញនិយមនៅលើ Tik Tok ហើយគេធ្វើកាយវិការទៅតាមសំនៀងនេះ បើគេស្ដាប់មួយភ្លែត គឺពិបាកនឹងដឹងថាអ្នកចម្រៀងច្រៀងជាភាសាអ្វីណាស់ ព្រោះសំនៀងនោះមានលក្ខណៈក្ងួរស្ដាប់ទៅស្រដៀងនឹងភាសាវៀតណាមបន្តិច និងថៃបន្តិច។ តាមពិត បទនោះ គឺច្រៀងដោយអ្នកចម្រៀងប្រុសជនជាតិថៃម្នាក់ ដោយច្រៀងលំនាំដើមចេញពីការនិពន្ធ និងការច្រៀងរបស់អ្នកចម្រៀងខ្មែរ។
បទ"៥ឆ្នាំទៀតម៉ែ" គេឃើញច្រៀងមុនគេដោយតារាចម្រៀងចាស់វស្សា ម៉េង កែវពេជ្រចិន្ដា នៅក្នុងMV របស់ផលិតកម្ម SK។ ក្រោយមកទៀត ក៏តារាខ្មែរ និងអ្នកចម្រៀងយកបទនេះទៅច្រៀងឡើងដោយគ្រាន់តែដូរប៉ារ៉ូលបន្ដិចៗយ៉ាងព្រោងព្រាត រហូតដល់ចុងក្រោយនេះស្រាប់តែលេចមុខតារាចម្រៀងប្រុសជនជាតិថៃម្នាក់ច្រៀងបទនេះឡើងវិញជាភាសាថៃ ទទួលបានការគាំទ្រច្រើន។
អ្នកស្រឡាញ់វិស័យចម្រៀងខ្មែរភាគច្រើន និយាយថា រវាងបទខ្មែរ និងបទថៃដែលអ្នកចម្រៀងយកលំនាំតែមួយនេះ គឺពីរោះម្យ៉ាងម្នាក់៕
