- 2021-10-11 12:50:54
- ព័ត៌មាន
បន្ទាន់! អ្នកឧកញ៉ា បញ្ជាឲ្យលុបបទ "Are You Ok” ចេញជាបន្ទាន់ តាមអ្នកគាំទ្រ!
- 2021-10-11 12:50:54
- ចំនួនមតិ 0 | ចំនួនចែករំលែក 0
បន្ទាន់! អ្នកឧកញ៉ា បញ្ជាឲ្យលុបបទ "Are You Ok” ចេញជាបន្ទាន់ តាមអ្នកគាំទ្រ!
ចន្លោះមិនឃើញ
អ្នកឧកញ៉ា ឡេង ណាវ៉ាត្រា ថ្នាក់ដឹកនាំកំពូលរបស់ផលិតកម្ម Galaxy Navatra បានបញ្ជាឲ្យអ្នកទទួលខុសត្រូវផ្ទាល់របស់ផលិតកម្ម លុបវីដេអូ Trailer បទចម្រៀង "Are You Ok” ចេញពីបណ្ដាញសង្គមវិញជាបន្ទាន់។
ចំណាត់ការក្ដៅគគុកនេះ របស់ថ្នាក់ដឹកនាំកំពូលរបស់ផលិតកម្ម បន្ទាប់ពីអ្នកគាំទ្រជាច្រើនបាន ធ្វើការរិះគន់លើភាពមិនសមរម្យមួយចំនួនដែលមានក្នុងបទចម្រៀងខាងលើដែលទើបនឹងចេញជា Trailer បានប៉ុន្មានថ្ងៃ ដែលពួកគេលើកឡើងថា បទនេះមិនគួរចរាចរណ៍វីដេអូចម្រៀងផ្លូវការនៅលើទីផ្សារ។ ដូច្នេះហើយ អ្នកឧកញ៉ា សង្កត់ធ្ងន់ថា ចំណាត់ការនេះ គឺដើម្បីការចង់របស់ទៅក្រុមអ្នកគាំទ្រ។
អ្នកឧកញ៉ា ថ្លែងនៅលើបណ្ដាញសង្គមផ្ទាល់របស់អ្នកឧកញ៉ាប៉ុន្មាននាទីមុននេះថា "សូមអ្នកគ្រប់គ្រងការផលិត របស់ផលិតកម្ម Galaxy Navatra លុប Video trailer បទ are you ok ចេញពី Facebook page នឹង Account TikTok របស់ផលិតកម្ម Galaxy Navatra ចេញជាបន្ទាន់ ទៅតាមការស្នើសុំរបស់ អ្នកគាំទ្រ!”។
ជាមួយគ្នា អ្នកឧកញ៉ាបានស្នើដល់អ្នកទទួលខុសត្រូវផ្ទាល់របស់ Galaxy Navatra គប្បីពិនិត្យមើលឡើងវិញ នូវចំណុចខ្វះខាត ដែលលើកឡើងដោយអ្នកគាំទ្រ ហើយធ្វើកែលម្អជាថ្មី។ ចំណាត់ការបន្ទាន់នេះ បានទទួលបានការសាទរយ៉ាងច្រើនពីប្រិយមិត្តនៅលើបណ្ដាញសង្គម។
ទទួលបានការបង្គាប់ការដូច្នេះ លោក យឹម តាស្រង់ នាយកគ្រប់គ្រងទូទៅរបស់ Galaxy Navatra បានលើកឡើងថា លោកពិតជាមានការសោកស្ដាយ ខណៈបទមួយនេះទទួលបានអ្នកចូលមើលក្បែរ ២០លានដងនៅលើ Tiktok និងថាការសម្រេចលុបចោលនាពេលនេះ ស្មើនឹងការបោះចោលការចំណាយរាប់ម៉ឺនដុល្លារ ដោយមិនបានអ្វីសោះ។
យ៉ាងណាលោក មិនមានការប្រកែកតវ៉ាឡើយ គ្រាន់លើកឡើងដដែលទៀតថា សោកស្ដាយ ពិសេសគឺស្ដាយចំពោះការខិតខំរបស់ក្រុមការងារលោក។ លោកថា "គ្រប់យ៉ាងមានតែពាក្យសោកស្តាយហើយ ខ្ញុំនឹងកែប្រែនូវចំនុចខ្វះខាតមួយចំនួន…!”៕