- 2021-10-27 03:16:47
- ចម្រៀង
បាត់មុខយូរហើយ អេនឌី មកលើកនេះ ទឹកភ្នែករហាមក្នុងបទល្បីជាង១០ឆ្នាំមុន
- 2021-10-27 03:16:47
- ចំនួនមតិ 0 | ចំនួនចែករំលែក 0
បាត់មុខយូរហើយ អេនឌី មកលើកនេះ ទឹកភ្នែករហាមក្នុងបទល្បីជាង១០ឆ្នាំមុន
ចន្លោះមិនឃើញ
លោក អេនឌី ដែលបាត់មុខ ស្ងប់សកម្មភាពសិល្បៈអស់រយៈពេលយ៉ាងយូរមកហើយនោះ នៅថ្មីៗនេះ ទើបបានចេញមកជាថ្មីទៀតជាមួយដៃគូចាស់ សឿ សុធារ៉ា ក្នុងបទចម្រៀងមួយបទដែលល្បីក្នុងខ្សែភាពយន្តកាលពីជាង ១០ឆ្នាំមុន។
បទចម្រៀងខាងលើច្រៀងដោយ ឱក សុគន្ធកញ្ញា មានចំណងជើងថា "ស្នាមស្នេហ៍សមុទ្ររាម" ដែលល្បីព្រមគ្នាជាមួយខ្សែភាពយន្តភាគដែលមានចំណងជើងដូចគ្នា។ យ៉ាងណា ក្រោយពេលវិលមកមានសកម្មភាពជាថ្មីជាមួយនឹងសិល្បៈ អេនឌី បានលើកយកបទនេះមកច្រៀង និងសម្ដែងរួមគ្នាជាមួយ សឿ សុធារ៉ា។
អេនឌី ប្រាប់ថា លោកមិនទាន់មានផែនការធំណាមួយនោះទេក្នុងការងារសិល្បៈ។ ប៉ុន្តែកាលដែលប្រិយមិត្តបានឃើញនាពេលនេះ គឺដើម្បីកុំឲ្យប្រិយមិត្តភ្លេចពួកលោកដែលជាសិល្បកររៀមច្បងមួយរូប និងសង្ឃឹមថា ទាំងអស់គ្នាអាចទទួលយកបាន។
ត្បិតថា អេនឌី និង សឿ សុធារ៉ា បានឃ្លាតឆ្ងាយពីការសម្ដែងយូរឆ្នាំដូចគ្នា ប៉ុន្តែតាមរយៈបទនេះ ពួកគេនៅតែធ្វើបានល្អ ពោលគឺចូលតួដល់ក្នុងសាច់រឿងកម្សត់របស់គូសង្សារកម្សត់មួយគូ។ ដូច្នេះហើយ គេមើលឃើញថា តារាស្រីប្រុសមួយគូនេះ ទឹកភ្នែករហាម។
តោះ...ទស្សនាទាំងអស់គ្នា!
