ម្ដាយ អាង សុជាតា ប្រាប់ចម្លើយដែលអ្នកស្រីប្រៀបធៀបល្បែងស្នេហា ទៅនឹងការលេងតុងទីន

ពុធ, 12 មេសា 2023 08:21
ព័ត៌មាន

ពុធ, 12 មេសា 2023 08:21
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងស្រីវ័យជ្រេ សឿនផាន ផាភួង ដែលត្រូវជាម្ដាយរបស់កញ្ញា អាង សុជាតា តែងតែបញ្ចេញអារម្មណ៍ និងរឿងរ៉ាវផ្ទាល់ខ្លួនតាមបណ្ដាញសង្គមច្រើនជាងកូនស្រីទៅទៀតក្នុងនាមជាតារាសម្ដែងដូចគ្នា។ ថ្មីៗនេះ គេឯងទើបចាប់ភ្លឹកឃ្លាមួយដែលតារាស្រីរូបនេះបង្ហោះនៅលើបណ្ដាញសង្គមដែលអ្នកស្រីប្រៀបធៀបល្បែងស្នេហាទៅនឹងការលេងតុងទីន។

អ្នកស្រី សឿនផាន ផាភួង និយាយថា៖ “ស្នេហា ប្រៀបដូចជាតុងទីន ដល់ថ្ងៃដឹងតែគេបោកហើយ”។ សម្រស់ដ៏ផូរផង់ មិនចាញ់កូនប៉ុន្មាន អ្នកស្រីផាភួង បានតែងខ្លួនយ៉ាងស្អាត ថតជាមួយកូនស្រីជាច្រើនសន្លឹក ដើម្បីភ្ជាប់ជាមួយសារដែលបានបង្ហោះដោយប្រៀបធៀបស្នេហាទៅនឹងការលេងតុងទីននេះ។

បន្ទាប់ពីបញ្ចេញរូបថត និងសារមួយនេះ អ្នកស្រី និងកូនស្រី ក៏ទទួលបានការកោតសរសើរពីសម្រស់ ព្រមទាំងនិយាយលេងចំពោះសំណេររបស់អ្នកស្រីថា ដើម្បីកុំឲ្យគេបោកបានត្រូវបោកគេឲ្យបានមុន។ រីឯអ្នកខ្លះទៀត ក៏បង្ហាញការស្រឡាញ់ពេញចិត្ដចំពោះសកម្មភាពស្និទ្ធស្នាលរបស់ម្ដាយចំពោះកូនដែលអ្នកស្រី ផាភួង កំពុងធ្វើនេះ៕

ជិន សុភ័ក្ដ្រ