ម្ដាយមីង ចេញការពារក្មួយចឺម ភ្លាមៗ បន្ទាប់ពីបែកធ្លាយរូបថតជាមួយសង្សារចាស់

2023-11-21 04:41:45
ព័ត៌មាន

2023-11-21 04:41:45
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាកំប្លែងក្នុងក្រុមតាវ៉ិចទ័រ អ្នកនាង អ៊ីត ឬស្រីអ៊ីត បានបង្ខំចិត្តចេញមុខភ្លាមៗប៉ុន្មានម៉ោងនោះ ដើម្បីការពារក្មួយប្រុសរបស់ខ្លួន គឺនាយចឺម បន្ទាប់ពីមានការបែកធ្លាយរូបថតជាមួយសង្សារចាស់ប៉ុន្មានសន្លឹកនៅលើបណ្ដាញសង្គម។

រឿងរ៉ាវស្នេហាតារាចម្រៀងផលិតកម្មសាន់ដេ ជាមួយមេម៉ាយកូនមួយរូបស្រស់ សេង សុខឃីម បានក្លាយជាអតីតកាលប្រមាណ១ឆ្នាំមកហើយ ក្រោយពីពួកគេបានសម្រេចចែកផ្លូវគ្នាដើររៀងរៀងខ្លួន។ ប៉ុន្តែខណៈអ្វីៗ ស្ថិតក្នុងភាពស្ងប់ស្ងាត់យូរហើយនោះ ស្រាប់តែលេចធ្លាយរូបថតស្និទ្ធស្នាលរបស់ពួកគេជាថ្មីនៅលើបណ្ដាញសង្គម។

រូបថតចំនួន ៣សន្លឹក កាត់ដាក់បញ្ចូលគ្នាក្នុងរូបតែមួយ គឺជាទិដ្ឋភាពរបស់អតីតតារាកំប្លែងស៊ីធីអិន កំពុងញុំាអីជាមួយនឹងមេម៉ាយរូបស្រស់ សេង សុខឃីមនៅទីកន្លែងមួយ។ ពួកគេត្រូវបានគេមើលឃើញថា ដូចកំពុងសាងសងគ្នាតាមរយៈបទចម្រៀង ជាមួយស្នាមញញឹមពេញដោយភាពរីករាយក្នុងវេលាពិសេសរបស់ពួកគេ។ រូបនេះបានបង្កឲ្យមានការភ្ញាក់ផ្អើលជាថ្មី និងមានការងឿងឆ្ងល់ ហើយចំណុចគួរឲ្យកត់សម្គាល់មួយនោះ គឺរូបភាពនេះបានបែកធ្លាយ បន្ទាប់ពីភាគីខាងស្រី បានប្រកាសចូលសិល្បៈវិញមិនប៉ុន្មានផង។

ស្ថានភាពនេះ កាន់តែធ្វើឲ្យមហាជន ពិសេសអ្នកធ្លាប់ដឹងរឿង មានមន្ទិលសង្ស័យជាច្រើនជុំវិញទំនាក់ទំនងរបស់អ្នកទាំងពីរ ថាតើ រងើកភ្លើងស្នេហ៍ចាស់ បានឆាបឆេះឡើងវិញឬយ៉ាងណា? សាមីខ្លួនទាំងសងខាង គេមិនទាន់ឃើញមានប្រតិកម្មអ្វីនៅឡើយ ប៉ុន្តែម្ដាយមីងតារាចម្រៀងប្រុស គឺតារាកំប្លែងស្រីអ៊ីត បានចេញមុខជំនួស។ ស្រីអ៊ីតបានបន្ទោស ទៅលើអ្នកធ្វើឲ្យបែកធ្លាយរូបទាំងនេះ ដោយអ្នកនាងអះអាងថា មិនមែនការពិតទេ ពោលគឺអ្វីៗ មិនដូចដែលប្រិយមិត្តបានឃើញនោះឡើយ។

ម្ដាយមីងរូបនេះ បានសរសេរលើបណ្ដាញសង្គមថា "ថ្ងៃនេះខ្ញុំសុំនិយាយបន្ដិច ហើយក៏សុំទោសទុកមុន ខ្ញុំឆ្ងល់រឿងអ្នកបង្ហោះរូបភាពទាំងនេះ ហេតុអីចូលចិត្តយករូបភាព រឺវិឌីអូអតីកាល យកមកផុសធ្វើអោយបងប្អូនយល់ច្រឡំ..."។ ម្ដាយមីងរូបនេះ អះអាងទៀតថា តាមរយៈរូបភាពទាំងនេះ សម្រាប់ប្រិយមិត្តមួយចំនួនដែលមិនដឹងរឿងច្បាស់ អាចនឹងមានការយល់ច្រឡំ ហើយជេរតិះដៀលក្មួយប្រុសខ្លួនទៀតមិនបាន។

អ្នកនាងថ្លែងថា "សម្រាប់បងប្អូនមួយចំនួនដែលមិនដឹង ច្បាស់ជាគាត់មកដៀលជេរក្មួយខ្ញុំទៀត និយាយរួមទៅខ្ញុំមិនចូលចិត្តចឹងទេ សូមអរគុណ( សូមបញ្ជាក់រូបចាស់ តែអ្នកផុសថ្មីៗ៕