- ពុធ, 28 ធ្នូ 2016 01:30
- ជីវិតតារា
សុគន្ធ ថេរ៉ាយុ ប្រាប់ពីបំណងប្រាថ្នា៣ធំៗបំផុតក្នុងជីវិត
- ពុធ, 28 ធ្នូ 2016 01:30
- ចំនួនមតិ 0 | ចំនួនចែករំលែក 0
សុគន្ធ ថេរ៉ាយុ ប្រាប់ពីបំណងប្រាថ្នា៣ធំៗបំផុតក្នុងជីវិត
ចន្លោះមិនឃើញ
សុគន្ធ ថេរ៉ាយុ បានប្រាប់ Sabay ថា ក្នុងមួយជីវិតនេះលោកមានបំណងប្រាថ្នា៣ ធំៗទី១ ចង់បានគ្រួសារមួយដែលមានសុភមង្គល ទី២ ចង់មានហាងរកស៊ីមួយកន្លែង និងទី៣ ចង់ដើរកម្សាន្តជុំវិញពិភពលោក។
“បាទបងសម្រាប់បំណងប្រាថ្នាខ្ញុំក្នុងជីវិតគ្មានអ្វីច្រើននោះទេបង ទី១ខ្ញុំចង់បានគ្រួសារមួយដែលមានសុភមង្គល ទី២ ខ្ញុំចង់មានហាងរកស៊ីមួយកន្លែង និងបំណងប្រាថ្នាចុងក្រោយមួយទៀតនោះចង់ដើរលេងក្រៅប្រទេស បើសិនជាអាចចង់ដើរលេងជុំវិញពិភពលោក"។ សុគន្ធ ថេរ៉ាយុ ថ្លែង។
ម្ចាស់បទ"ពេលខ្ញុំមិនសប្បាយចិត្ត" បន្តថា បំណងប្រាថ្នាទាំង៣ខាងលើនេះលោកបានសម្រេចបំណងមួយហើយគឺដើរកម្សាន្តក្រៅប្រទេស ព្រោះកន្លងមកលោកធ្លាប់ទៅកម្សាន្តប្រទេសមួយចំនួននៅក្នុងតំបន់អាស៊ីដូចជា៖ ប្រទេសចិន ហុងកុង ថៃ ម៉ាឡស៊ី សាំងហ្គាពួរ កូរ៉េ និងវៀតណាម។
កំលោះសង្ហារវ័យ២៧ឆ្នាំរូបនេះបន្ថែម ថា៖ "បាទបងនៅបំណងប្រាថ្នាពីរទៀតដែលខ្ញុំមិនទាន់បានសម្រេច ដើម្បីសម្រេចបំណងប្រាថ្នាទាំងពីហ្នឹងទៀតពេលនេះខ្ញុំមានតែថែរក្សាសុខភាព បើសុខភាពល្អខ្ញុំអាចធ្វើការរកលុយដើម្បីសម្រេចបំណងប្រាថ្នាបានហើយបង"។
