- 2017-02-17 04:55:05
- ស្ទីលតារា
ក្រឡេកមើលទ្រព្យរាប់ម៉ឺនដុល្លារក្នុងដៃ ម៉ៅ ហាជី បច្ចុប្បន្នមើល៍ ថាមានអ្វីខ្លះ?
- 2017-02-17 04:55:05
- ចំនួនមតិ 0 | ចំនួនចែករំលែក 0
ក្រឡេកមើលទ្រព្យរាប់ម៉ឺនដុល្លារក្នុងដៃ ម៉ៅ ហាជី បច្ចុប្បន្នមើល៍ ថាមានអ្វីខ្លះ?
ចន្លោះមិនឃើញ
យ៉ាងតិចតារាចម្រៀង ម៉ៅ ហាជី មានទ្រព្យ ជាង១០ម៉ឺនដុល្លារអាមេរិក នេះបើបូកទាំងផ្ទះនិងរថយន្តដែលលោកទើបទិញថ្មីៗនេះ។
អតីតបេក្ខភាពកម្មវិធី Cambodian Idol រូបនេះ បានទិញផ្ទះល្វែងមួយជុង ក្នុងបុរីមួយតាមបណ្ដោយផ្លូវឯកឧត្តម ជា សុផារ៉ា កាលពីជាង១ឆ្នាំមុន ។ ផ្ទះនោះលោក ម៉ៅ ហាជី បានប្រាប់ថា ទិញតម្លៃជាង៧ម៉ឺនដុល្លារ ដោយទិញលក្ខខណ្ឌបង់រំលួស ជាង៦០០ដុល្លារក្នុងមួយខែ។
ចំពោះ រថយន្តToyota Tundra ដែលទើបតែទិញដែរនោះ លោកធ្លាប់បានប្រាប់ថា តម្លៃជាង៣ម៉ឺនដុល្លារអាមេរិក។ ម៉ៅ ហាជី មិនមានលុយគ្រប់ក្នុងការទិញរថយន្តនោះឡើយ ដោយលោកបានសារភាពថា នៅជំពាក់ម្ចាស់ហ្គារ៉ាសឡានមួយចំនួន ។ លោកបញ្ជាក់ថា ម្ចាស់ហ្គារ៉ាសឡាននោះ ជាបងប្អូនធម៌នឹងគ្នា ដូចនេះការជំពាក់ មិនគិតការប្រាក់ឡើយ មានថ្ងៃណាយកទៅសងបង្គ្រប់ថ្ងៃនោះ។
ជុំវិញទ្រព្យសម្បត្តិដែលបានរៀបរាប់ខាងលើ តារាចម្រៀងមានកំណើតមកពីខេត្តបាត់ដំបងរូបនេះ បញ្ជាក់ថា គឺកើតចេញពីញើសឈាមខ្លួនទាំងស្រុង មិនមានអ្នកណានៅពីក្រោយខ្នងឡើយ។ លោកថា ១ឆ្នាំមុនកន្លងទៅនេះ ខ្លួនទទួលការងារច្រៀងតាមខេត្តច្រើន ជាហេតុធ្វើឲ្យលោក មានលទ្ធភាពសន្សំលុយបាន ទិញផ្ទះ និងរថយន្តនេះ៕
