- 2017-03-01 01:38:48
- ភាពយន្ត
ភាពយន្តខ្មែរល្បីៗ ៨រឿង នឹងត្រូវចាក់បញ្ចាំងនៅមហាស្រពភាពយន្តអន្តរជាតិ
- 2017-03-01 01:38:48
- ចំនួនមតិ 0 | ចំនួនចែករំលែក 0
ភាពយន្តខ្មែរល្បីៗ ៨រឿង នឹងត្រូវចាក់បញ្ចាំងនៅមហាស្រពភាពយន្តអន្តរជាតិ
ចន្លោះមិនឃើញ
បើតាមកញ្ញា គឹម សុធា ប្រធានទំនាក់ទំនងទូទៅនៅមហាស្រពភាពយន្តអន្តរជាតិបានប្រាប់ Sabay ថាភាពយន្តខ្មែរល្បីៗចំនួន ៨រឿង នឹងត្រូវចាក់បញ្ចាំងនៅគ្រប់រោងភាពយន្តទាំង៩ក្នុងរាជធានីភ្នំពេញនៅដើមខែ មិនា នេះហើយ។
ខ្សែភាពយន្តខ្មែរល្បីៗទាំង៨ ដែលចាក់ បញ្ចាំងនៅថ្ងៃទី៤ខែ មិនា ឆ្នាំ ២០១៦ នេះ មានដូចជារឿង "ប៉ុបពីទៅហូលីវូដ" “ស្នេហ៍ស្វ័យគុណ៤" “វិកលចរិត" “ការពារឧក្រិដ្ឋជន" “នារីវេទមន្ត" “សតិជាប់ទ្រុង" “កោះពេជ្រ" និងរឿង “បទឆ្វេងបត់ស្ដាំ"។ ទាក់ទងនឹងរឿងបទ "ឆ្វេងបទស្ដាំនេះដែរ" កម្ពុជាបានសហការជាមួយអ្នកដឹកនាំរឿងមកពីប្រទេសកូរ៉េ។ នាង បន្ត។
ប្រធានផ្នែកអ្នកគ្រប់គ្រងទូទៅ នៅមហាស្រពភាពយន្តអន្តរជាតិបន្ថែមថា ក្នុងចំណោមរឿងទាំង ៨ ខាងលើនេះមាន១រឿងដែលត្រូវបានចាក់បញ្ចាំងមុនគេក្នុងថ្ងៃបើកសម្ពោធនៅថ្ងៃទី៣ នៅសាលមហាស្រពកោះពេជ្រគឺរឿង "ប៉ុបពីទៅហូលីវូដ"។ ចំពោះការចាក់បញ្ចាំងនៅថ្ងៃទី៤ខាងមុខនេះក៏មានរឿងបរទេសមកពី៤១ ប្រទេសដែលត្រូវបង្ហាញនៅលើផ្ទាំងក្រណាត់សជាមួយភាពយន្តខ្មែររយៈពេល៦ថ្ងៃ។
“មូលហេតុដែលយើងយកភាពយន្តខ្មែរមកចាក់បញ្ចាំងជាមួយភាពយន្តបរទេស ដោយសារតែចង់លើកស្ទួយវិស័យភាពយន្តខ្មែរ និងចង់បង្ហាញវប្បធម៌ប្រពៃណីខ្មែរនៅលើឆាកអន្តរជាតិ និងចង់បង្ហាញ ស្នាដៃនៃការផលិតរឿងបរទេស ដល់ប្រជាពលរដ្ឋខ្មែរទាំងវប្បធម៌ប្រពៃណីនិងរបៀបរបបនៃការរស់នៅ"។ កញ្ញា គឹម សុធារី ថ្លែង។
គួរបញ្ជាក់ថា រោងកុនទាំង៩ដែលត្រូវចាក់បញ្ចាំងនៅថ្ងៃទី៤ ខាងមុខនេះរួមមាន៖ Legend City Mall Legend Tk ទួលគោក Legend ស្ទឹងមានជ័យ Major Cineplex by cellcard Platinium cineplex French institute Bophanh center Chat tomuk theater និង Open air daimond iland ៕
