_medium.jpg)
- 2017-03-07 06:20:57
- ភាពយន្ត
អ្នកទស្សនារឿង នៅមហាស្រពភាពយន្តអន្តរជាតិមានការកើនឡើងច្រើន ក្រោយពីដាក់បញ្ចាំង
- 2017-03-07 06:20:57
- ចំនួនមតិ 0 | ចំនួនចែករំលែក 0
អ្នកទស្សនារឿង នៅមហាស្រពភាពយន្តអន្តរជាតិមានការកើនឡើងច្រើន ក្រោយពីដាក់បញ្ចាំង
ចន្លោះមិនឃើញ
លោក ជា សុភាព នាយកប្រតិបត្តិនៅមជ្ឈមណ្ឌលធនធានសោតទស្សន៍ Bophana Center បានមានប្រសាសន៍ថា បន្ទាប់ពីមហាស្រពភាពយន្តអន្តរជាតិ (CIFF) ដាក់បញ្ចាំងរឿងកាលពីថ្ងៃទី៤ ដល់ថ្ងៃទី៦ មីនា ម្សិលមិញនេះចំនួនអ្នកចូលទស្សនាមានការកើនឡើងពីមួយថ្ងៃទៅមួយថ្ងៃ។
នាយកប្រតិបត្តិរូបនេះបានអះអាង ថា ចំនួនភ្ញៀវដែលកើនឡើងនេះមិនមែនតែមជ្ឈមណ្ឌល Bophana មួយទេរោងកុនទាំង៨ ក៏មានអ្នកមកចូលទស្សនាច្រើនដូចគ្នា។ ក្នុងរោងកុននីមួយៗមានអ្នកទស្សនាចន្លោះពី ៧០ ភាគរយ ទៅ៨០ ភាគរយ។ "បាទបើប្រៀបធៀបឆ្នាំនេះ និងឆ្នាំមុន ឆ្នាំនេះមានអ្នកមកមើលរឿងច្រើន ចំណែកឯចំនួនរឿងដែលយកមកបញ្ចាំងក៏ច្រើនជាងឆ្នាំមុនដែរ តែលទ្ធផលពិត នឹងដឹងនៅថ្ងៃទី៩ នេះហើយវាច្រើនជាងឆ្នាំមុនប៉ុន្មាន"។
ការលើកឡើងរបស់ លោក ជា សុភាព ក្នុងកម្មវិធីមហាស្រពភាពយន្តអន្តរជាតិលើកទី៧ ដែលធ្វើឡើងនៅមជ្ឈមណ្ឌល Bophana ព្រមទាំងមានការចូលរួមពីសំណាក់ភ្ញៀវបរទេស និងខ្មែរជាច្រើននាក់ជាមួយ និងការប្រគំតន្ត្រីរាំលេងយ៉ាងសប្បាយរីករាយផងដែរ៕
