- 2017-08-23 23:28:00
- ស្ទីលតារា
Mariah Carey ត្រូវគេរិះគន់ចំៗ ថាប្រើកម្មវិធី Photoshop ដើម្បីកែរាងសម្រាប់ក្របទស្សនាវដ្ដី!
- 2017-08-23 23:28:00
- ចំនួនមតិ 0 | ចំនួនចែករំលែក 0
Mariah Carey ត្រូវគេរិះគន់ចំៗ ថាប្រើកម្មវិធី Photoshop ដើម្បីកែរាងសម្រាប់ក្របទស្សនាវដ្ដី!
ចន្លោះមិនឃើញ
ថ្មីៗនេះកំពូលតារាចម្រៀង Mariah Carey ត្រូវបានគេរិះគន់កប់កប់ទាក់ទងនឹងរូបភាពដែលនាងបានបង្ហាញលើក្របទស្សនាវដ្ដីថ្មី ដែលមើលទៅរាងស្គមស្អាតមិនដូចជារាងរៅដែលគេទើបប្រទះឃើញនាងនៅខាងក្រៅកាលពីយប់ថ្ងៃអង្គារ។
តារាវ័យ ៤៧ឆ្នាំនេះត្រូវគេចោទប្រកាន់ថាបានប្រើប្រាស់កម្មវិធី Photoshop ដើម្បីកែប្រែរាងរៅនាង សម្រាប់គម្របទស្សនាវដ្ដីថ្មីឈ្មោះ PAPER Magazine។
អ្នកគាំទ្រជាច្រើនបានយករូបថតគម្របទស្សនាវដ្ដីនោះមក ប្រៀបធៀបជាមួយរូបរាងដែលគេថតនាងខណៈពេលសម្ដែងនៅ Las Vegas កាលពីខែមុនផងដែរ ដែលមើលទៅគឺខុសគ្នាទាំងស្រុង។
អ្នកគាំទ្រជាច្រើនបានបញ្ចេញមតិផ្សេងៗគ្នាថាតើ ហេតុអ្វីបានជា Mariah ចាំបាច់ត្រូវធ្វើបែបនេះព្រោះរូបរាងធាត់រឺស្គមមិនមែនជាបញ្ហានោះទេ។ ចំណែកឯអ្នកខ្លះទៀតក៏បានថាឲ្យនាងចំៗថា បើសិនជាចង់បានរូបរាងស្រឡូនស្អាត ហេតុអ្វីក៏មិនទៅហាត់ប្រាណ (Gym) តើធ្វើបែបនេះដើម្បីអ្វី?
ហើយនេះមិនមែនជាលើកទី១ទេ ដែលនាងត្រូវគេរិះគន់រឿងប្រើប្រាស់ Photoshop នោះ។ កាលពីឆ្នាំ ២០១៥ នាងក៏ត្រូវគេរិះគន់ម្ដងដែរពេលថតរូបគម្របអាល់ប៊ុម "#1 to Infinity"៕
