_medium.jpg)
- 2017-10-08 07:55:52
- ស្ទីលតារា
រំដួលលិចទឹក គ្រងឈុត រ័ត្នរំដួល ទៅបង្ហាញដល់ឡាវ
- 2017-10-08 07:55:52
- ចំនួនមតិ 0 | ចំនួនចែករំលែក 0
រំដួលលិចទឹក គ្រងឈុត រ័ត្នរំដួល ទៅបង្ហាញដល់ឡាវ
ចន្លោះមិនឃើញ
សិល្បករដែលល្បីខាងពូកែ ច្នៃវត្ថុផ្សេងៗធ្វើជាសម្លៀកបំពាក់ប្លែកៗ រំដួលលិចទឹក បានគ្រងឈុតមួយឈ្មោះ រ័ត្នរំដួល ដែលផលិតពីស្លឹកទ្រាំង និងស្លឹកត្នោត ទៅបង្ហាញដល់សិល្បករជាច្រើនតំបន់ក្នុងប្រទេសឡាវ ហើយថែមទាំងទទួលបានការកោតសរសើរទៀតផង។
ការបង្ហាញនេះ គឺធ្វើឡើងរួមគ្នាជាមួយកម្មវិធីអាហារូបករណ៍មួយដែលរូបនាងទទួលបានដើម្បីទៅសិក្សានៅទីនោះ។ អាហារូបករណ៍នោះគឺ រំដួល ទទួលបានក្រោមការឧបត្ថម្ភដោយអង្គការសិល្បៈខ្មែរអមត ដែលធ្វើឡើងក្នុងគោលបំណងស្វែងយល់ពីទស្សនៈ វប្បធម៌ ជុំវិញតំបន់មេគង្គ។
រំដួល បញ្ជាក់ថា អាហារូបករណ៍នេះមានរយៈពេល១ឆ្នាំ និងមាន៤វគ្គសិក្សា ដែលវគ្គ១ធ្វើឡើងនៅខេត្តសៀមរាប វគ្គ២ នៅបាត់ដំបង វគ្គ៣នៅប្រទេសឡាវ ដែលខ្លួនទើបតែទៅមកវិញនៅថ្ងៃនេះ និងវគ្គចុងក្រោយ គឺនឹងត្រៀមធ្វើឡើងក្នុងខេត្តកំពត ហើយអាហារូបករណ៍នេះនឹងធ្វើឡើងជារៀងរាល់ឆ្នាំ។
រំដួល បញ្ជាក់ថា ឱកាសចេញទៅសិក្សាស្វែងយល់ពីទស្សនៈ វប្បធម៌ជុំវិញតំបន់មេគង្គនេះ មិនមែនមានត្រឹមតែរូបគេម្នាក់ទេ។ សិល្បករទាំងអស់ដែលទៅចូលរួមកម្មវិធីខាងលើនេះមានសរុប៥រូប ដែលតំណាង៥ខេត្ត គឺសៀមរាប កំពង់ធំ កំពត បាត់ដំបង និងភ្នំពេញ ដែលមានរំដួលជាតំណាងផ្ទាល់តែម្ដង។
ក្នុងដំណើរលើកនេះ រំដួល និងក្រុមបានទៅផ្លាស់ប្ដូរបទពិសោធន៍ជាមួយសិល្បករឡាវនៅក្នុងក្រុងធំៗ២ គឺ ក្រុងវៀងចន្ទន៍ និងហ្លួងព្រះបាង ដោយទទួលបានជោគជ័យ និងការកោតសរសើរជាច្រើន ព្រោះអ្នកទាំង៥សុទ្ធតែជាសិល្បករដែលពោរពេញដោយសមត្ថភាពប្រចាំខេត្តនីមួយៗ៕
