Wow! សុគន្ធ ថេរ៉ាយុ ទិញឡានតម្លៃជិត ២០ម៉ឺនដុល្លារ

2017-11-02 02:14:38
ស្ទីលតារា

2017-11-02 02:14:38
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង លោក សុគន្ធ ថេរ៉ាយុ កាលពីថ្ងៃទី១ ខែ វិច្ឆិកា ឆ្នាំ ២០១៧ កន្លងទៅ បានទៅទិញរថយន្តទំនើបមួយគ្រឿងមានតម្លៃជិត ២០ម៉ឺនដុល្លារ។ នេះបើតាមប្រភពពីម្ចាស់ហាងរថយន្តដែល តារាចម្រៀងរូបនេះទៅទិញ ប្រាប់Sabay។

លោក នាគ សូណា ដែលអ្នកសិល្បៈភាគច្រើនស្គាល់យ៉ាងច្បាស់ថា ជាថៅកែ ទិញលក់រថយន្ត នៅក្នុងសង្កាត់ទឹកល្អ៣ ខណ្ឌទួលគោក បានប្រាប់ថា រថយន្តដែលលោក សុគន្ធ ថេរ៉ាយុ នោះ គឺម៉ាកLand Cruiser 2017 ដោយលោកទើបតែនាំចូលមកដល់កាលពីពេលថ្មីៗនេះ បន្ទាប់ពីមានការកុម្ម៉ង់ ។

ថៅកែលក់រថយន្តរូបនេះបានបន្តឲ្យដឹងថា រថយន្តខាងលើលោកបានលក់ឲ្យលោក សុគន្ធ ថេរ៉ាយុ ក្នុងតម្លៃ ១៥៨ ០០០ ដុល្លារ ដោយតម្លៃនេះលោកបានលក់បញ្ចុះយ៉ាងពិសេស ត្បិតអីអ្នកទាំង២បានរាប់អានគ្នាជាច្រើនឆ្នាំមកហើយ។

លោក នាគ សូណា បានលើកឡើងថា ដោយខ្លួនស្គាល់តារាច្រើន ហើយមានទំនាក់ទំនងល្អផងនោះ ដូចនេះមិនមែនមានតែលោក សុគន្ធ ថេរ៉ាយុ ដែលធ្លាប់មកទិញ រថយន្តនៅកន្លែងលោក ពោល គឺមានតារាច្រើនផ្សេងទៀតដូចជា លោក ម៉ាហាជី ឆៃលីដាឡែន និងតារាមួយចំនួនទៀត តែសាមីខ្លួនសូមមិនឲ្យបញ្ចេញឈ្មោះ។

ជុំវិញការទិញរថយន្តថ្មីខាងលើនេះ Sabay មិនអាចសុំការបញ្ជាក់បន្ថែមពី លោក សុគន្ធ ថេរ៉ាយុ បានទេ ព្រោះទូរសព្ទរបស់លោក ខលចូលមិនមានអ្នកទទួល។

ជាកស្ដែង សម្រាប់ថយន្ត Lexus RX330 លោកទើបតែដូរកាលពីអំឡុងខែសីហាកន្លងទៅ បន្ទាប់ពី រថយន្ត Porsche ស៊េរីឆ្នាំ ២០១៤។ មូលហេតុដែលនាំឲ្យតារាប្រុសរូបនេះ សម្រេចប្ដូរ គឺដោយសារ ពេលនោះលោកត្រូវការថវិកា ដើម្បីព្យាបាលជំងឺ។

ទាក់ទងនឹងចំណុចនេះ សុគន្ធ ថេរ៉ាយុ ធ្លាប់បានប្រាប់ថា តាំងពីចូលប្រឡូកសិល្បៈមក ខ្លួនធ្លាប់បានប្ដូររថយន្តអស់ជិត១០ គ្រឿងហើយ រថយន្តទី១ Corolla 95 ទី២ Lexus RX 300 ទី៣ Lexus LX470 ទី៤ Camry 2009 ទី៥ Lexus RX350 ទី៦ Lexus LX 570 ទី៧ RX 330 ទី៨ Porsche 2014 និង ទី៩ Land Cruiser 2017៕