Miss Global កម្ពុជាត្រៀមខ្លួនយ៉ាងណាខ្លះ ដើម្បីដណ្តើមមកុដ?(វីដេអូ)

2017-11-08 05:14:56
វីដេអូ

2017-11-08 05:14:56
ចំនួនមតិ 0 | ចំនួនចែករំលែក 0

ចន្លោះមិនឃើញ

បវរកញ្ញា យស ប៉ូលីណា ដែលជាបេក្ខនារី Miss Global តំណាងកម្ពុជាបានរៀបរាប់ពីការត្រៀមខ្លួន និងក្ដីសង្ឃឹមរបស់ខ្លួនក្នុងការដណ្ដើមយកមកុដរបស់ Miss Global ប្រចាំឆ្នាំនេះ។

មានឈាមជ័រជាជនជាតិខ្មែរ ស្រីស្អាតដែលទទួលបានតំណែងជាបវរកញ្ញាតំណាងកម្ពុជាឆ្នាំនេះប្រាប់ថា ក្រោយមកដល់ប្រទេសទឹកដីប្រកួតនាងបានត្រៀមការងារហ្វឹកហាត់ជាច្រើនជាមួយក្រុមបវរកញ្ញាមកពីច្រើនប្រទេសផ្សេងទៀត លើការរាំរបាំ និងដើរម៉ូដជាដើម។ នាងបញ្ជាក់ថា មិនមែនទើបតែហ្វឹកហាត់នៅពេលនេះទេ តាំងពីមុនមកម្ល៉េះ នាងបានត្រៀមខ្លួនលើលើវិញ្ញាសាជាច្រើនស្រេចហើយ។

ចំពោះក្ដីសង្ឃឹមក្នុងការទទួលជយលាភីវិញ ប៉ូលីណា លើកឡើងថា៖ "ខ្ញុំពិតជាមិនចង់និយាយទេពីភាគរយដែលខ្ញុំសង្ឃឹមថាទទួលបានជយលាភីនោះទេ ព្រោះបេក្ខភាពទាំងអស់សុទ្ធ តែស្អាតៗ និងឆ្លាត និងមានចំណុចពិសេសរៀងៗខ្លួន"។ កូនខ្មែរវ័យ២៥ឆ្នាំខាងលើ យល់ថា ការប្រកួតនេះជាឱកាសដ៏ល្អសម្រាប់នាង តែរូបនាងមិនដែលមានការរំពឹងទុកអ្វីនោះទេ ព្រោះមនុស្សគ្រប់រូបមិនអាចទាយថាអ្នកណានឹងឈ្នះឡើយ សូម្បីតែនាងក៏មិនដឹងដូចគ្នា។

យស ប៉ូលីណា គឺជាជនជាតិខ្មែរ ដែលចាប់កំណើតលើទឹកដីអាមេរិក ដោយឪពុកម្ដាយរបស់ខ្លួនផ្លាស់ទីលំនៅទៅទីនោះមុនថ្ងៃរំដោះ នេះជាមូលហេតុដែលធ្វើឲ្យនាងមិនអាចប្រើប្រាស់ភាសាជាតិបានល្អ។ ដោយសារតែនាងបានស្វែងយល់ និងមានចំណេះដឹងពីវប្បធម៌ និងអត្តសញ្ញាណជាតិខ្មែរយ៉ាងល្អប្រសើរ ទើបរូបនាងមានសិទ្ធតំណាងកម្ពុជាចូលរួមកម្មវិធីលំដាប់ថ្នាក់អន្តរជាតិនេះ៕

អត្ថបទ៖ សុខណា