មានសេចក្ដីរាយការណ៍ថា បុរស​ជាប់ចោទ​ដែល​មាន​អាយុ ​២៩ឆ្នាំ​​ ម្នាក់បានក្លែងបន្លំជាសមាជិក BTS និងប្រមូលព័ត៌មានផ្ទាល់ខ្លួន។

នាយកដ្ឋានឧទ្ទរណ៍ព្រហ្មទណ្ឌ ​៥-២​ នៃតុលាការកណ្ដាលក្រុងសេអ៊ូល (ចៅក្រម ​Kim Yong Joong, Kim Ji Sun,​ និង ​So Byeong Jin​) បានកាត់ទោសបុគ្គលខាងលើ ស្ថិតក្នុងការកាត់ក្តីលើកដំបូងឱ្យជាប់ពន្ធនាគារ ​១ ឆ្នាំ​កាលពីថ្ងៃទី ១០ ពីបទបំពានច្បាប់។

លោក ​A​ ត្រូវបានស៊ើបអង្កេតជាពិសេសចំពោះការក្លែងបន្លំ ​Suga (BTS)​ ដែលមានឈ្មោះពិតថា ​Min Yoon Gi​ ក្នុងខែសីហា ដល់ខែកញ្ញា ឆ្នាំ ២០២២។ បុគ្គលនេះត្រូវបានចោទប្រកាន់ និងចាប់ខ្លួនបន្ទាប់ពីលោកបានប្រើទូរស័ព្ទដៃនិយាយទៅកាន់ផលិតករ B។ ការធ្វើទង្វើនេះ លោកបានប្រមូលព័ត៌មានលម្អិតអំពីការបម្រើទ័ព និងក៏ទទួលបានប្រភពសំឡេងណែនាំដែលមិនបង្ហាញផងដែរ។

នៅក្នុងខែវិច្ឆិកានៃឆ្នាំនោះ ​A​ ក៏បានក្លែងបន្លំជាបុគ្គល ​B​ ដើម្បីទាក់ទង ​Suga​ ខ្លួនឯងសម្រាប់ហេតុផលដូចគ្នា។ ការប៉ុនប៉ងដើម្បីស្វែងរកព័ត៌មានទាក់ទងនឹងកាលបរិច្ឆេទចេញអាល់ប៊ុម និងពេលវេលានៃការចុះឈ្មោះផ្សេងៗទៀត។

ក៏មានសេចក្ដីរាយការណ៍ដែរថា លោកបានក្លែងខ្លួនជា ​V (BTS)​ ដែលមានឈ្មោះពិតថា ​Kim Tae Hyung​ ទៀតផង។ ក្នុង​ការ​ធ្វើ​ដូច្នេះ ​A​ បាន​ទទួល​ឯកសារ​តន្ត្រី​ដែល​មិន​បាន​បង្ហាញ​​ជាង​ ​១០ File​ តាម​រយៈផលិត​ករផ្សេង​ទៀត។ លោកត្រូវបានចោទប្រកាន់ពីបទ នៃការដកចេញដោយគ្មានការអនុញ្ញាតនូវព័ត៌មានទាក់ទងនឹងអាល់ប៊ុម ព័ត៌មានលម្អិតបទចម្រៀងដែលមិនបានចេញផ្សាយ ព័ត៌មានផ្ទាល់ខ្លួន និងកាលវិភាគឯកជនផ្សេងៗ។

គួរបញ្ជាក់ផងដែរថា ​A ​ជា​ផលិតករ​ចម្រៀង​ល្បី​មួយ​រូប​ដែល​ធ្លាប់​ធ្វើ​ការ​ផលិត​បទ​ចម្រៀង​របស់​ក្រុម​តារា​ចម្រៀង​ល្បីៗ៕