- 2017-11-30 23:30:00
- ស្ទីលតារា
Mariah Carey បានប្រាក់រាប់លានដុល្លារ និងចិញ្ចៀនពេជ្រមួយវង់ពីអតីតគូដណ្ដឹងក្រោយបែកបាក់គ្នា
- 2017-11-30 23:30:00
- ចំនួនមតិ 0 | ចំនួនចែករំលែក 0
Mariah Carey បានប្រាក់រាប់លានដុល្លារ និងចិញ្ចៀនពេជ្រមួយវង់ពីអតីតគូដណ្ដឹងក្រោយបែកបាក់គ្នា
ចន្លោះមិនឃើញ
តារាចម្រៀងMariah Carey បានទទួលបានប្រាក់រាប់លានពីការព្រមព្រៀងចែកផ្លូវគ្នារបស់នាងជាមួយអតីតគូដណ្ដឹងដែលជាមហាសេដ្ឋីសញ្ជាតិអូស្ត្រាលី លោក James Packer។
តារាចម្រៀង និងអ្នកជំនួញដ៏ស្តុកស្ដម្ភរូបនេះ មានទំនាក់ទំនងជាមួយគ្នាបានរយៈពេល ១០ខែ ហើយទំនាក់ទំនងពួកគេ ក៏ត្រូវបញ្ចប់ក្នុងខែតុលាឆ្នាំ២០១៦។ ក្រោយពីការបែកបាក់យ៉ាងជូរចត់ គូស្នេហ៍មួយគូនេះបានទាស់ទែងគ្នាជិតមួយឆ្នាំពាក់ព័ន្ធនឹងរឿងប្រាក់ ដែលទទួលបានពីការព្រមព្រមព្រៀងបញ្ឈប់ទំនាក់ទំនងគ្នានេះ។
បើតាមវិបសាយ The Blast បានឲ្យដឹងថា ប៉ុន្មានខែកន្លងទៅ អតីតគូស្នេហ៍មួយគូនេះបានទាស់ពាក្យសម្ដីគ្នា តែចុងក្រោយមានអ្នកដឹងថា នាងបានទទួលទឹកប្រាក់រាប់លានដុល្លារ ព្រមទាំងចិញ្ចៀនភ្ជាប់ពាក្យដ៏ធំរបស់នាងពីបុរសជាអតីតគូស្នេហ៍រូបនេះ។ បើតាមពាក្យចចាមអារ៉ាម បាននិយាយថាចិញ្ចៀននោះមានតម្លៃដល់ទៅ ៨លានដុល្លារឯណោះ។ វិបសាយដដែលបន្តថា បើសរុបទាំងប្រាក់ និងចិញ្ចៀនដែលនាងទទួលបាននោះគឺចន្លោះពី ៥ ទៅ១០លានដុល្លារឯណោះ។
គួររម្លឹកដែរថា ម្ចាស់បទ “Without You” និងអ្នកជំនួញរូបនេះបានប្រកាសពីទំនាក់ទំនងរបស់ពួកគេជាផ្លូវការនៅក្នុងខែមិថុនា ឆ្នាំ២០១៥ ហើយបានភ្ជាប់ពាក្យនឹងគ្នាក្នុងខែមករា ឆ្នាំ២០១៦ជាមួយនឹងចិញ្ចៀនពេជ្រ៣៥ការាត់។ ប៉ុន្តែទីបំផុត អ្នកទាំង ២នៅតែបែកគ្នាទៅវិញ៕
