Sabay news entertainment

មាស សុខសោភា នឹងចូលរួមច្រៀងក្នុងកម្មវិធីសប្បុរសធម៌មួយនៅខេត្តសៀមរាបដោយមិនយកកម្រៃមួយរៀល ដើម្បីរកលុយជួយដល់កុមារកំព្រា ៣០ នាក់កំពុងរស់នៅអង្គការខ្មែរអភិវឌ្ឍន៍សេដ្ឋកិច្ច ។ កម្មវិធីសប្បុរសធម៌នេះគ្រោងរៀបចំឡើងនៅថ្ងៃទី៦សីហាខាងមុខនៅភោជនីយដ្ឋានមួយក្នុងក្រុងសៀមរាប។ បើតាម ឌីជេ ក្ដឹប ដែលជាអ្នកចូលរួមផ្ដួចផ្ដើមកម្មវិធីផងនោះប្រាប់ Sabayថា វត្តមានរបស់ មាស សុខសោភា មិនមានគិតកម្រៃហើយ ថែមទាំងចំណាយលុយទិញសំបុត្រចូលរួមបរិច្ចាគដល់សមាគមទៀតផង។ “ដោយសារខ្ញុំអត់ដែលមានកម្មវិធីផ្ទាល់ខ្លួនអីសោះកន្លងមក ហើយលើកនេះក៏អញ្ជើញបង ភា គាត់ក៏ចូលរួមដោយរីករាយ ព្រោះជួយគ្នាម្ដងម្នាក់។ ក្ដឹប ថ្លែងមកកាន់ Sabay។ តារាចម្រៀង Rap ដដែលបន្តថា ក្រៅពី មាស សុខសោភា ក៏មានតារាចម្រៀងមួយចំនួនផ្សេងទៀតចូលរួមផងដែរដូចជាលោក យឹង យន និងសម្ព័ន្ធឌីជេកម្ពុជារបស់លោក Deny Black រួមទាំងអង្គការហ្វាបន្លឺសិល្បៈជាដើម ដែលពួកគេសុទ្ធសឹងតែចូលរួមដោយស្ម័គ្រចិត្តដូចគ្នា។ ឌីជេ ក្ដឹប រំលឹកបន្ថែមថា អង្គការខ្មែរអភិវឌ្ឍន៍សេដ្ឋកិច្ចមិនមានចំណូលអ្វីក្រៅពីការដាំបន្លែលក់លើទីផ្សារសម្រាប់ចិញ្ចឹមកុមារទាំង ៣០ នាក់នោះទេ។ បច្ចុប្បន្នកំពុងជួបការខ្វះខាតថវិកាមួយចំនួនដើម្បីពង្រីកកសិដ្ឋានបណ្ដុះផ្សិត ហើយកម្មវិធីសប្បុរសធម៌កើតឡើងលើកនេះ គឺជាការឆ្លើយតបចំពោះសំណើរបស់ប្រធានអង្គការ។ ទោះបីជាយ៉ាងណា លោកទើបលក់សំបុត្របានមួយចំនួនប៉ុណ្ណោះ មិនទាន់គ្រប់ចំនួននោះទេ។ Sabay មិនអាចសុំការបញ្ជាក់បន្ថែមបានទេពីតារាចម្រៀង មាស សុខសោភា ដោយទូរសព្ទមិនមានអ្នកទទួល។ បើតាមប្រធានសម្ព័ន្ធឌីជេកម្ពុជា Deny Black បានបញ្ជាក់ថា សមាជិករបស់លោកមួយចំនួនបានចូលរួមទិញសំបុត្រសម្រាប់កម្មវិធីសប្បុរសធម៌នោះរួចហើយ។ លោកអះអាងថា នឹងផ្សព្វផ្សាយដំណឹងនេះបន្តទៀត ដើម្បីស្វែងរកសប្បុរសជនដែលចង់ជួយ៕ អត្ថបទ សំ ជំនាញ

2016-06-28 13:07:00
ព័ត៌មាន

ឌីជេ ក្ដឹប ផលិតវីដេអូសំណើច យ៉ាងម៉េចដែរ? ឌីជេ ក្ដឹប ផលិតវីដេអូសំណើច យ៉ាងម៉េចដែរ?

2016-06-28 13:07:00
ព័ត៌មាន

បន្ថែមលើការផលិតបទចម្រៀង ពេលនេះ ឌីជេ ក្ដឹប បានងាកផលិតវីដេអូសំណើចខ្លីៗវិញម្ដង ក្នុងគោលបំណងបង្កើនភាពសប្បាយរីករាយសម្រាប់ទស្សនិកជន។ អ្នកចម្រៀង Rap រូបនេះបានប្រាប់ Sabayថា រូបគេទើបចាប់ផ្ដើមផលិតកាលពីពេលថ្មីៗនេះប៉ុណ្ណោះ ដោយចូលរួមជាមួយក្រុម Prahok TV ក្នុងនាមជាតួសម្ដែងផង និងជាអ្នកសម្របសម្រួលអត្ថបទ និងនិពន្ធអត្ថបទរឿងខ្លីៗទាំងនោះផងដែរ។ “ខ្ញុំឃើញខាងគេធ្វើបានល្អគួរសមទាំងប្លង់ថត ទាំងសាច់រឿងអីហ្នឹង ក៏ចូលរួមជាមួយទៅ ហើយក៏ចង់លើកស្ទួយវិស័យវីដេអូកំប្លែងឱ្យបងប្អូនយើងកាន់តែសប្បាយរីករាយ"។ ក្ដឹប ថ្លែងមកកាន់ Sabay។ តារាសម្ដែងមានអតីតជាអ្នកទូលនំលក់ដដែលបន្ថែមថា ដោយសារមើលឃើញពីភាពហ្មត់ចត់របស់ក្រុមការងារ Prahok TV ទើបសម្រេចចិត្តចូលរួមតែម្ដង។ ក្ដឹប អះអាងថា គោលបំណងរបស់លោកនោះ គឺចង់ឃើញវិស័យភាពយន្ត ក៏ដូចជាការឈុតឆាកកំប្លែងខ្លីមានគុណភាពសម្រាប់ទស្សនិកជន៕ អត្ថបទ៖ សំ ជំនាញ

2016-05-21 19:55:15
ជីវិតតារា

ឌីជេ ក្ដឹប នាំមិត្តភក្ដិយកថវិកាជួនអតីតតន្ត្រីករ អ៊ុំ ដរ៉ា ឌីជេ ក្ដឹប នាំមិត្តភក្ដិយកថវិកាជួនអតីតតន្ត្រីករ អ៊ុំ ដរ៉ា

2016-05-21 19:55:15
ជីវិតតារា

មុននេះបន្តិច ឌីជេ ក្ដឹប បាននាំមិត្តភក្ដិជាតន្ត្រីករមួយក្រុម យកថវិកាមួយចំនួនប្រគល់ជួនអតីតតន្ត្រីករ អ៊ុំ ដរ៉ា ដែលកំពុងមានជំងឺសម្រាកព្យាបាលនៅផ្ទះ។ ក្ដឹប ប្រគល់ថវិកាជួនលោក អ៊ុំ ដរ៉ា "ការពិតទៅ ពួកខ្ញុំក៏អត់ដែរ ប៉ុន្តែធ្វើបុណ្យទាន់ខែភ្លឺ ទាន់គាត់នៅអាចមើលឃើញ យើងជាអ្នកជំនាន់ក្រោយត្រូវតែដឹងគុណគាត់"។ ក្ដឹប ថ្លែងមកកាន់ Sabay។ លោកបន្តទៀតថា ពួកគេមានគម្រោងជាយូរមកហើយដែរ ប៉ុន្តែដោយសារមមាញឹកក្នុងការងារទើបពន្យាររហូតមកដល់ពេលនេះ។ តារាចម្រៀង Rap រូបនេះបន្ថែមថា ក្នុងនាមជាអ្នកជំនាន់ក្រោយ គឺត្រូវគោរពរៀមច្បងជំនាន់មុន ជាក់ស្ដែងដូចជាសកម្មភាពព្រឹកនេះជាដើម។ ក្ដឹប មិនបានបញ្ជាក់ពីចំនួនថវិកា ដែលនាំយកទៅប្រគល់ជួនលោក អ៊ុ ដរ៉ា នោះទេ ដោយបានលើកហេតុផលថា ពួកគេម្នាក់ៗធ្វើតាមលទ្ធភាពរៀងខ្លួន។ ប៉ុន្តែក្នុងនាមជាសិល្បករមួយរូប លោកស្នើឱ្យសិល្បករដូចគ្នា និងសប្បុរសជននានា ធ្វើយ៉ាងណាគិតគួរដល់អតីតអ្នកនិពន្ធ និងតន្ត្រីករ ដែលកំពុងមានជំងឺរូបនេះ។ ប្រសិនបើសប្បុរសជន និងសិល្បករចង់ឧបត្ថម្ភដល់អតីតតន្រ្តីករ អ៊ុំ ដរ៉ា អាចទាក់ទងទៅកាន់គ្រួសាររបស់គាត់តាមរយៈលេខ ០៩៦ ៤៧១ ៣៤៦ ៧។ អត្ថបទ៖ សំ ជំនាញ

2016-05-10 16:02:12
ព័ត៌មាន

ឌីជេ ក្ដឹប អត់ទាន់ច្បាស់រឿងដៃគូថ្មី! ឌីជេ ក្ដឹប អត់ទាន់ច្បាស់រឿងដៃគូថ្មី!

2016-05-10 16:02:12
ព័ត៌មាន

ឌីជេ ក្ដឹប បានថ្លែងមកកាន់ Sabay ថា លោកមិនទាន់ច្បាស់រឿងដៃគូថ្មីសម្រាប់គម្រោងបទចម្រៀងថ្មីៗរបស់លោកនៅឡើយទេ បន្ទាប់ពីសហការជាមួយកញ្ញា មាស សុខសោភា លើអាល់ប៊ុមទី១ទទួលជោគជ័យរួចមក។ “ខ្ញុំមានបទចម្រៀងប្រមាណជា៥០បទនៅក្នុងដៃ ដែលសុទ្ធសឹងតែជា Original Songs ប៉ុន្តែខ្ញុំមិនទាន់ប្រាកដថា ដៃគូចម្រៀងថ្មីនោះជាតារារូបណាទេ" ឌីជេ ក្ដឹប លើកឡើង។ តារាចម្រៀងឯករាជ្យរូបនេះ បានបន្តថា សម្រាប់ចម្រៀងថ្មីទាំងនោះមានច្រើនរសជាតិ និងមានអ្វីៗដែលប្លែកជាច្រើន។ (Original អាល់ប៊ុម ទី១) បន្ទាប់ពីអាល់ប៊ុមទី១ "ស្រលាញ់គ្នាបានទេ" ជាមួយកញ្ញា មាស សុខសោភា ដែលជាអាល់ប៊ុមដំបូងរបស់ Camtrax Music មកដល់ពេលនេះ ឌីជេ ក្ដឹប លោកមិនទាន់បានបញ្ចេញការងារថ្មីៗទៀតនោះទេ តែលោក ក៏បានបញ្ជាក់ដែរថា លោកនឹងត្រឡប់មកជាមួយនឹងបទចម្រៀងនិពន្ធថ្មីក្នុងពេលឆាប់ៗនេះហើយ៕ អត្ថបទ៖ SAMEDY

2015-09-28 23:23:19
ជីវិតតារា

តារាចម្រៀងល្បី ៣ រូបនាំយកថវិកាជាង ១០ ០០០ ដុល្លារជួយមន្ទីរពេទ្យគន្ធបុប្ផា តារាចម្រៀងល្បី ៣ រូបនាំយកថវិកាជាង ១០ ០០០ ដុល្លារជួយមន្ទីរពេទ្...

2015-09-28 23:23:19
ជីវិតតារា

តារាចម្រៀង មាស សុខសោភា ឆាយ វីរៈយុទ្ធ និងឌីជេ ក្ដឹប បាននាំយកថវិកាចំនួន ១៣ ០០០ ដុល្លារអាមេរិក ប្រគល់ដល់មន្ទីរពេទ្យគន្ធបុប្ផា សម្រាប់ប្រើប្រាស់ក្នុងការព្យាបាលកុមារកំពុងសម្រាកព្យាបាលនៅទីនោះ។ ជួសមុខឱ្យតារាចម្រៀងផ្សេងទៀត ឌីជេ ក្ដឹប បាននិយាយថា ថវិកាទាំងអស់បានពីការលក់សំបុត្រចូលទស្សនាការប្រគំតន្ត្រីសប្បុរសធម៌រៀបចំឡើងដោយពលករខ្មែរធ្វើការនៅប្រទេសកូរ៉េ ដែលពួកគេបានទៅចូលរួមសម្ដែងច្រៀងកាលពីសប្ដាហ៍មុននេះ។ ក្រៅពីនេះ ក៏មានការឧបត្ថម្ភថវិកាផ្ទាល់ ពីសប្បុរសជនតំណាងក្រុមហ៊ុន នៅប្រទេសកូរ៉េផងដែរ។ តារាចម្រៀង Rap ដដែលរំលឹកបន្តថា នេះជាការរៀបចំលើកដំបូងរបស់ពលករខ្មែរកំពុងធ្វើការនៅប្រទេសកូរ៉េ ភាគច្រើនស្ថិតក្នុងផ្នែកឧស្សាហកម្ម ដែលទៅពីគ្រប់ទិសទី។ “ខ្ញុំសោកស្ដាយ! ប្រសិនបើមានកន្លែងសម្រាប់ទទួលបងប្អូនពលករយើង ប្រហែលជាអាចបានថវិកាច្រើនជាងនេះទៀត ដើម្បីជួយមន្ទីរពេទ្យ គន្ធបុប្ផា"។ នាយ ក្ដឹប បញ្ជាក់មកកាន់ Sabay មុននេះបន្តិច។ តារាចម្រៀងមានប្រវត្តិជាកូនក្រខ្សត់រូបនេះ បានអះអាងថា មានពលករកូរ៉េចូលរួមទស្សនាប្រមាណ ២៥% ប៉ុណ្ណោះបានទិញសំបុត្រ និងមានកន្លែងទទួលត្រឹមត្រូវ ខណៈពលករប្រមាណជាង ៧០% ផ្សេងទៀត មិនមានកន្លែងសម្រាប់ទទួលពួកគេទេ ហើយចូលរួមទស្សនាដោយសេរី។ ប៉ុន្តែក៏មានពលរដ្ឋខ្មែរនៅទីនោះខ្លះបានចំណាយថវិកាទិញសំបុត្រ ទោះបីជាមិនបានចូលរួមទស្សនាដោយផ្ទាល់យ៉ាងណាក៏ដោយ។ ក្ដឹប អះអាងថា តារាចម្រៀងទាំងអស់ពីកម្ពុជា មានមោទនភាព ដោយឃើញពលករនៅទីនោះ មានចិត្តជួយពលរដ្ឋកំពុងរស់នៅ និងជួបការលំបាកនៅស្រុកកំណើតដូច្នេះ។ លោកសង្ឃឹមថា នឹងមានឱកាសសម្ដែងនៅប្រទេសកូរ៉េ ឬប្រទេសផ្សេងម្ដងទៀត ដើម្បីស្វែងរកថវិកាជួយដល់មន្ទីរពេទ្យមួយនេះ ឬប្រជាពលរដ្ឋក្រីក្រផ្សេងទៀត កំពុងជួបការលំបាក៕ អានអត្ថបទ៖ ស្រីស្អាត សូ លីហ្សា ក្ដាប់បានតំណែងតួឯកលើកដំបូង អានអត្ថបទ៖ លាង ឧត្ដម ក្លាយជាអ្នកចាត់ការលើមុខជំនួញតម្លៃជិត១០ម៉ឺនដុល្លារ អត្ថបទ៖ សំ ជំនាញ រូបថត៖ ផ្ដល់ឱ្យ