សាន ស្រីឡៃ-សយ រតនៈ មាន ៤ ចំណុចដូចគ្នា
តារាចម្រៀងចំណូលថ្មី សាន ស្រីឡៃ ដែលជាបេក្ខភាព The voice Cambodia រដូវកាលទី ២ ទើបបញ្ចប់ថ្មីៗនេះ រួមជាមួយលោក សយ រតនៈ បេក្ខជន The voice Cambodia រដូវកាលមុន ត្រូវបានគេមើលឃើញថា អ្នកទាំងពីរមានចំណុចដូចគ្នា ៤ យ៉ាង ពេលអំឡុងប្រកួតកម្មវិធីលំដាប់ពិភពលោកមួយនេះ។
ចង់ដឹងថាហេតុអ្វីបានកូនក្រុម ពេជ្រ សោភា ទាំងពីរខាងលើមានវាសនាដូចគ្នា តាមដានជាមួយ Sabay ខាងក្រោមនេះ៖
រូបភាព៖Facebook សយ រតនៈ
ទី១៖សាន ស្រីឡៃ សយ រតនៈ មានចំណុចដូចគ្នាដំបូងនោះ គឺអ្នកទាំងពីរជាកូនក្រុមអ្នកនាង ពេជ្រ សោភា ។
ទី២៖ចំណុចដែលធ្វើឲ្យបេក្ខភាព The voice Cambodia ទាំងពីររដូវកាល សាន ស្រីឡៃ និង សយ រតនៈ រឹតតែដូចគ្នា ពោលគឺពេលប្រឡងកម្មវិធីខាងលើកាលពីពេលកន្លងទៅក្នុងវគ្គ blind auditions កូនក្រុមម្ចាស់បទ "នារីល្ងើស្មោះស្នេហ៍” ទទួលបានការបង្វិលកៅអីតែមួយប៉ុណ្ណោះ គឺគ្រូបង្វឹកផ្ទាល់នោះតែម្ដង។
ទី៣៖ប៉ុន្តែអ្វីដែលធ្វើឲ្យអ្នកខេត្តបន្ទាយមានជ័យ និងអ្នកកំពង់ឆ្នាំងកាន់តែដូចគ្នាទៀតនោះ ត្បិតទទួលបានតែមួយកៅអី តែអ្នកទាំងពីរ បានផ្ដួលបេក្ខជនផ្សេងទៀត ដែលទទួលបានការបង្វិលកៅអីច្រើនពី Coach ហើយអាចឆ្លងមកដល់វគ្គផ្ដាច់ព្រ័ត្រនៃកម្មវិធីដូចគ្នា។
ទី៤៖ ចំណុចដូចគ្នាមួយចុងក្រោយគឺកូនក្រុមម្ចាស់បទ "អូនទៅហើយ" មិនបានកាន់ពាន The vioce Cambodia សម្រាប់រដូវកាលរៀងខ្លួននោះទេ ដោយបានត្រឹម Top 4 ប៉ុណ្ណោះ៕
ចុះប្រិយមិត្តវិញ គិតថាអ្នកទាំងពីរមានចំណុចអ្វីទៀតដូចគ្នា?
អត្ថបទ៖ទ្រី រ៉ាវី
