- 2017-06-18 06:30:41
- ព័ត៌មាន
ស្ងាត់ៗ ស្រាប់តែផ្អើលព័ត៌មានថា Beyoncé សម្រាលបានកូនភ្លោះ
- 2017-06-18 06:30:41
- ចំនួនមតិ 0 | ចំនួនចែករំលែក 0
ស្ងាត់ៗ ស្រាប់តែផ្អើលព័ត៌មានថា Beyoncé សម្រាលបានកូនភ្លោះ
ចន្លោះមិនឃើញ
កំពូលតារាចម្រៀងអាមេរិក Beyoncé បានសម្រាលបុត្រដោយជោគជ័យហើយ នៅមន្ទីរពេទ្យមួយក្នុងរដ្ឋ Los Angeles តាំងពីដើមសប្ដាហ៍នេះម៉្លេះ នេះបើតាមប្រភពព័ត៌មានជាច្រើនបានចុះផ្សាយ។
វិបសាយ Showbiz 411 បានលើកឡើងកាលពីម្សិលមិញថា ប្ដីប្រពន្ធមួយគូនេះ បានទទួលស្វាគមន៍បុត្រភ្លោះ តាំងពីយប់ថ្ងៃច័ន្ទ ឈានចូលថ្ងៃអង្គារ ដើមសប្ដាហ៍មកម្ល៉េះ។ ដោយឡែក បើយោងតាមព័ត៌មានដែលទស្សនាវដ្ដី People ទទួលបានវិញ បាននិយាយថា Beyoncé និងស្វាមី Jay-Z ពិតជារភើបខ្លាំងណាស់ ព្រមទាំងបានចែករំលែកដំណឹងរីករាយនេះដល់គ្រួសារ និងមិត្តជិតស្និទ្ធរបស់ពួកគេទៀតផង។
បើទោះជាគូស្នេហ៍ទាំង ២មិនទាន់ចេញមុខអះអាង ប៉ុន្តែព័ត៌មាននេះត្រូវបានផ្សព្វផ្សាយលើវិបសាយព័ត៌មានល្បីៗជាច្រើន នៅប៉ែកអឺរ៉ុប។ អ្វីដែលរឹតតែធ្វើឲ្យអ្នកគាំទ្រមានការសង្ស័យខ្លាំងនោះ គឺតារាចម្រៀងរ៉េប Jay-Z បានរំលងចោលកិច្ចការមួយចំនួន ចំថ្ងៃអង្គារតែម្ដង។ រីឯប្អូនស្រីរបស់ Beyoncé វិញក៏ឃើញចេញចូលមន្ទីរពេទ្យដែលល្បីថា តារាស្រីរូបនេះសម្រាលបុត្រដែរ។ បើនិយាយពីសន្តិសុខនៅវិញ បានដាក់ពង្រាយ យាមការយ៉ាងតឹងរឹងបំផុត។
យ៉ាងណាមិញ បើមានព័ត៌មានច្បាស់ការណាមួយបន្ថែមទៀតទាក់ទងនឹងម្ចាស់បទ "If I Were A Boy" រូបនេះ Sabay នឹងជម្រាបជូនប្រិយមិត្តជាបន្ត៕
ចុចអាន៖
