/5b1df66512554_1528690260_medium.png)
- 2018-06-11 05:20:00
- ព័ត៌មាន
Taemin ទម្លាយហេតុផលអន់ចិត្ត ក្រោយឃើញ Suzy សម្ដែងក្បាច់រាំរបស់ខ្លួន
- 2018-06-11 05:20:00
- ចំនួនមតិ 0 | ចំនួនចែករំលែក 0
Taemin ទម្លាយហេតុផលអន់ចិត្ត ក្រោយឃើញ Suzy សម្ដែងក្បាច់រាំរបស់ខ្លួន
ចន្លោះមិនឃើញ
តារាចម្រៀងពៅគេប្រចាំ SHINee បានទម្លាយរឿងក្នុងចិត្តដែលខ្លួនខំលាក់ ក្រោយឃើញតារារួមអាជីព Suzy លើកយកបទចុងក្រោយរបស់ខ្លួនមានចំណងជើងថា "MOVE” មករាំតាម។
កាលពីពេលកន្លងទៅ Suzy បានបង្កភាពភា្ញក់ផ្អើលដល់អ្នកគាំទ្ររបស់នាងទាំងអស់ ជាមួយការសម្ដែងក្បាច់រាំបទ "MOVE” របស់ Taemin សមាជិកក្រុម SHINee។ ប៉ុន្តែក្រោយមកដំណឹងនេះក៏បានលេចឮដល់ម្ចាស់បទ ហើយមកទល់ពេលនេះលោកបានបញ្ជាក់ពីអារម្មណ៍ក្នុងចិត្តចំពោះការសម្ដែងនេះហើយ។
ក្នុងសប្ដាហ៍ថ្មីនៃកម្មវិធី Yoo Hee Yeol’s Sketchbook តារាប្រុសវ័យ ២៤ឆ្នាំ Taemin បាននិយាយថា៖ "តាមពិតទៅក្រុមការងាររបស់ខ្ញុំបានមកប្រាប់រឿងនេះដល់ខ្ញុំ។ ខ្ញុំឮថា នាងបានរាំបទនេះក្នុងឱកាសជួបជុំជាមួយអ្នកគាំទ្ររបស់នាង”។
ទស្សនាការម្ដែងរបស់ Suzy ដូចខាងក្រោម៖
ប៉ុន្តែក្រោយមើលវីដេអូរួច តារាប្រុសរូបនេះបែរជាបញ្ជាក់សម្ដីអន់ចិត្ត លក្ខណៈលេងសើចថា៖ "ខ្ញុំក៏បានមើលការសម្ដែងបទនេះរបស់នាងដែរ ហើយចេះតែគិតក្នុងចិត្តថា ហេតុអីបានជានាងមិនមករកខ្ញុំទៅ? ដូចនេះខ្ញុំនឹងមានឱកាសអាចជួយបង្រៀននាងរាំបាន”។
គ្រាន់តែឮបែបនេះភ្លាម ទាំង ពិធីករ និងសមាជិក SHINee ផ្សេងទៀតបានចំអន់ Taemin ថា "ស័ក្ដិសមជាសុភាពបុរសមែន”។
ដោយសារមិនបានបង្រៀន Suzy ដូចនេះ ពិធីករក៏បានឲ្យ Taemin មកបង្រៀនខ្លួនរាំជំនួសវិញ ជាមួយ Onew, Minho និង Key ហើយកាន់តែធ្វើកម្មវិធីមានភាពរីករាយថែមមួយកម្រិត៕
