- 2018-08-03 07:11:13
- ព័ត៌មាន
CL ឡើងទម្ងន់សឹងមិនគួរឲ្យជឿ រហូត Fan រឹតតែបារម្ភពីស្ថានភាពនាងជាមួយ YG
- 2018-08-03 07:11:13
- ចំនួនមតិ 0 | ចំនួនចែករំលែក 0
CL ឡើងទម្ងន់សឹងមិនគួរឲ្យជឿ រហូត Fan រឹតតែបារម្ភពីស្ថានភាពនាងជាមួយ YG
ចន្លោះមិនឃើញ
បង្ហាញវត្តមាននៅព្រលានយន្តហោះ Inchoen នៅថ្ងៃទី ០៣ ខែសីហានេះ CL បានធ្វើឲ្យអ្នកគាំទ្រមានការភ្ញាក់ផ្អើលជាខ្លាំង នៅពេលឃើញរូបរាងនាងធាត់ជាងមុន។
អតីតមេក្រុម 2NE1 គឺតារាចម្រៀង CL ពិតជាមានសាច់មានឈាមច្រើន បើប្រៀបធៀបនឹងកាលពីមុន។ ដំណើរឆ្ពោះទៅកាន់ប្រទេសសិង្ហបុរីនៅថ្ងៃនេះ CL បានពាក់អាវយឺតរលុងៗពណ៌ខ្មៅ ជាមួយខោខោវប៊យបែបសាមញ្ញ និងវ៉ែនតាខ្មៅដងក្រហមទាន់សម័យ។
ទស្សនាវីដេអូ
អ្វីដែលគ្រប់គ្នា សឹងមិនជឿនឹងភ្នែក គឺតារាស្រីរូបនេះរីកមាឌជាងមុនគួរសម ប៉ុន្តែយ៉ាងណាគ្រប់គ្នានៅតែស្រឡាញ់គាំទ្រតារាសំណព្វចិត្តខ្លួនរូបនេះដដែល គ្រាន់តែពេលឃើញសភាពនាងបែបនេះ អ្នកគាំទ្រផ្ដោតសំខាន់ភ្លាមពីរឿងរ៉ាវប៉ះទង្គិចផ្លូវចិត្តមួយចំនួនដែលកើតមានរវាងនាងជាមួយ YG នៅមួយរយៈចុងក្រោយ។ ដោយឡែកនៅម៉ោង ១២ថ្ងៃត្រង់ (ម៉ោងនៅកម្ពុជា) CL ក៏បានបង្ហោះ Instagram Story ដែលជារូបភាពនៃសំបុត្រ និងមានសរសេរអក្សរពីលើថា «អរគុណជានិច្ច»៕