- 2018-10-04 06:40:21
- ចម្រៀង
ចម្រៀង ឌឺដងផ្លែផ្កា ស្នេហាតារា២ដួង កក្រើកក្រុងភ្នំពេញ កាលសម័យសង្គមរាស្រ្តនិយម
- 2018-10-04 06:40:21
- ចំនួនមតិ 0 | ចំនួនចែករំលែក 0
ចម្រៀង ឌឺដងផ្លែផ្កា ស្នេហាតារា២ដួង កក្រើកក្រុងភ្នំពេញ កាលសម័យសង្គមរាស្រ្តនិយម
ចន្លោះមិនឃើញ
កាលពីសម័យសង្គមរាស្ត្រនិយម ក្រៅតែពីតារាចម្រៀងសំឡេងមាសដែលប្រិយមិត្តពេញនិយម ដូចលោក ស៊ីន ស៊ីសាមុត និងអ្នកស្រី រស់ សេរីសុទ្ធា នៅមានតារាចម្រៀងដែលមានឈ្មោះបោះសំឡេងយ៉ាងខ្លាំង ដោយមានការគាំទ្រភ្លូកទឹកភ្លូកដីចាំស្ដាប់ចម្រៀង និងចាំទិញ កាសែត ឬថាសចម្រៀង ដូចតម្រងជួរគ្នាដូចគេចាំទិញ iPhone ក្នុងសម័យនេះបែបហ្នឹង។ នេះបើតាមការរៀបរាប់ឱ្យបានដឹងដោយ លោក អ៊ុំ ដរ៉ា តន្រ្តីកូដវីយូឡុង និងជាកវីនិពន្ធបទចម្រៀងឱ្យ ស៊ីន ស៊ីសាមុត ជាច្រើនបទផងដែរ។
នាសម័យដែលសិល្បៈជាតិឈានឡើងដល់ចំណុចកំពូល តារាចម្រៀងខ្មែរគ្រប់រូបជានិមិត្តរូប និងជាអ្នកបំពេអារម្មណ៍ ពញ្ញាក់ស្មារតីស្នេហាជាតិ រក្សាវប្បធម៌ សង្គមធម៌ ដ៏មានប្រសិទ្ធភាព ទើបស្នាដៃតែងនិពន្ធ និងការលើកយកចម្រៀងមកសម្ដែងនានាហាក់ទទួលបានការចងចាំឥតភ្លេច និងរស់ដល់បច្ចុប្បន្ន ដែលផ្ទុយពីសម័យកាលនេះដែលបទចម្រៀងស្លាប់មុនម្ចាស់ ដោយសារខ្វះខ្លឹមសារ និងភាពដើមជារបស់ខ្មែរ។ នេះបើតាមលោក អ៊ុំ ដរ៉ា ផ្តល់ បទសម្ភាសកាលលោកមិនទាន់ធ្លាក់ខ្លួនឈឺ។
ខាងក្រោមនេះ Sabay សូមលើកយកចម្រៀង ២ ចំណងជើងដែលតារាចម្រៀងពីរដួង គឺ លោក អ៊ុំ សុផានុរក្ស ហៅយ៉ែល និងអ្នកនាង ហួយ មាស ដែលជាអតីតគូស្វាមីភរិយាលើកយកមកបកស្រាយក្រោយចែកផ្លូវជាមួយគ្នា រហូតមានអ្នកនិពន្ធចម្រៀងខ្លះយកទៅតែង និងច្រៀងបន្ទរបាន ៣ ចំណងជើងទៀត។
បទទី ១ មានចំណងជើង ថា «សំឡេងទ្រខ្មែរ» ច្រៀងដោយ លោក អ៊ុំ សុផានុរក្ស ហៅយ៉ែល ទំនុកនិពន្ធដោយ កវីនិពន្ធ ម៉ាឡាពី រៀបរាប់រឿងកោតចិត្តប្រពន្ធដែលហ៊ានក្បត់ចិត្តទៅរួមរស់នឹងគូថ្មី ឥតអាល័យប្ដីដែលស្រលាញ់គ្នា ហើយរៀបចំផ្សំផ្គុំដោយមេបាតាមច្បាប់ត្រឹមត្រូវ។
បន្ទាប់មក អ្នកនាង ហួស មាស ក៏បានពឹងពរ លោក ពៅ ស៊ីផូ ដែលជាកវិនិពន្ធដ៏ល្បីក្នុងសម័យនោះឱ្យនិពន្ធបទចម្រៀងតបទៅអតីតស្វាមី ដោយមានចំណងជើង ថា «ចិត្តខុសពីមុន» ដើម្បីបង្ហាញពីអារម្មណ៍ផ្ទាល់ខ្លួន និងកាលៈទេសៈដែលនាំឱ្យអ្នកនាងត្រូវចាកចេញពីសុភាពបុរសក្លែងក្លាយម្នាក់។ លុះក្រោយមកទៀត ក៏មានអ្នកចម្រៀងផ្សេងៗទៀតដែលស្រលាញ់គាំទ្រអ្នកទាំងពីរ បន្តច្រៀងឌឺដងគ្នាជាច្រើនបទ។
រឿងរ៉ាវស្នេហាព្រាត់ប្រាសរបស់តារាចម្រៀងទាំង ២ បានក្លាយជាមេរៀនជីវិត និងការពិភាក្សាគ្នាក្នុងទសវត្សរ៍ឆ្នាំ ៦០ និង ៧០ ហើយបទចម្រៀងរបស់អ្នកទាំងពីរត្រូវបានមហាជនតាមដានចាំស្ដាប់ដូចរឿងភាគតែម្តង។ នេះបើតាមការរៀបរាប់របស់ លោក សេង តារា អ្នកស្រាវជ្រាវប្រវត្តិបទចម្រៀងពីដើមបកស្រាយក្នុងកម្មវិធីប្រវត្តិបទចម្រៀងរបស់ខ្លួន៕
ខាងក្រោមនេះជា សម្រង់វីដេអូខ្លី ស្នាដៃរៀបរាប់ និងស្រាវជ្រាវរបស់លោក សេង តារា អំពីបទចម្រៀងកាច់កុងគ្នាក្នុងសម័យសង្គមរាស្រ្តនិយម៖
