- 2018-12-03 03:06:31
- ស្ទីលតារា
ទាំងនេះជាតារាស្រីវ័យចាប់ពី៤០ ដល់៥០ឆ្នាំ មានសម្រស់លេចធ្លោជាងគេរបស់ TVB
- 2018-12-03 03:06:31
- ចំនួនមតិ 0 | ចំនួនចែករំលែក 0
ទាំងនេះជាតារាស្រីវ័យចាប់ពី៤០ ដល់៥០ឆ្នាំ មានសម្រស់លេចធ្លោជាងគេរបស់ TVB
ចន្លោះមិនឃើញ
អ្នកគាំទ្រភាគច្រើនបានជ្រាបរួចមកហើយថា ទូរទស្សន៍ហុងកុង TVB ប្រជុំទៅដោយតារាស្រីស្អាតៗ ជាពិសេសបវរកញ្ញាប្រចាំហុងកុងជាច្រើននាក់។ តារាស្រីទាំងនោះ ត្បិតមានអាយុច្រើន (ខ្លះ ៤០ឆ្នាំ ខ្លះ ៥០ឆ្នាំ) ក៏ពិតមែន ប៉ុន្តែនិយាយពីសម្រស់វិញនៅតែស្រស់ស្អាតដូចផឹកទឹកវេទមន្ត។
ក្នុងចំណោម តារាសម្ដែងចាស់វស្សា ដែលជាប់ឈ្មោះជាកំពូលស្រីស្អាតទាំង ១០របស់ទូរទស្សន៍ TVB រួមមាន៖
១. តារាសម្ដែង Alice Chan អាយុ ៤៤ឆ្នាំ
នាងបានក្លាយជាតារាស្រីដែលមានប្រជាប្រិយភាពជាងគេប្រចាំប៉ុស្តិ៍ TVB បន្ទាប់ពីសម្ដែងរឿង "Deep in the Realm of Conscience”។ ហេតុនេះហើយទើបនាំនាងក្លាយជាម្ចាស់ពាន "តារាស្រីឆ្នើម” របស់ទូរទស្សន៍នេះ។
២. តារាសម្ដែង Griselda Yeung អាយុ ៤១ឆ្នាំ
Griselda ធ្លាប់បានចូលរួមប្រកួតកម្មវិធីបវរកញ្ញាហុងកុងឆ្នាំ ២០០១ ហើយក៏ត្រួវបានគេស្គាល់ច្បាស់ថាជាបងស្រីរបស់តារាសម្ដែង Tavia Yeung។ តាមរយៈរឿង "Come Home Love” កាន់តែធ្វើឲ្យប្រជាប្រិយភាពរបស់នាងកើនឡើងមួយកម្រិតទៀត ក្រោយប្រឡូកក្នុងវិថីសិល្បៈជាច្រើនទសវត្សរ៍។
៣. តារាសម្ដែង Claire Yiu អាយុ ៤០ឆ្នាំ
រៀបការហើយ ក្លាយជាស្ត្រីមេផ្ទះ និងត្រូវមើលថែកូនៗក៏ពិតមែន ប៉ុន្តែ Claire នៅតែមិនភ្លេចឆ្លៀតពេលជាមួយសិល្បៈដើម្បីអ្នកគាំទ្រ។ រឿងថ្មីរបស់នាងមានចំណងជើងថា "Who Wants a Baby?” ធ្វើឲ្យគ្រប់គ្នាងាកមកចាប់អារម្មណ៍អ្នកម្ដាយនេះជាខ្លាំង ពិសេសរូបសម្រស់ដែលនៅតែក្មេង។
៤. តារាសម្ដែង Gigi Lai អាយុ ៤៧ឆ្នាំ
ចំណែកតារាសម្ដែងរូបនេះវិញបានដកខ្លួនពីសិល្បៈក្នុងឆ្នាំ ២០០៨ បន្ទាប់ពីរៀបការ និងបានក្លាយជានាយកក្រុមហ៊ុនជំនួសបងប្រុស ដែលជួបគ្រោះថ្នាក់ចរាចរណ៍។ ត្បិតមមាញឹកនឹងការងារផង និងត្រូវមើលថែកូនៗ ៣នាក់ក៏ដោយ តែសម្រស់នាងនៅតែមិនទ្រុឌទ្រោម។
៥. តារាសម្ដែង Joey Meng អាយុ ៤៨ឆ្នាំ
ដោយសារទម្រង់របស់នាងដូចកូនក្មេង ដូចនេះទោះមានវ័យច្រើនក៏មើលទៅនាងក្មេងស្អាត មិនចាញ់ក្មេងៗជំនាន់ក្រោយឡើយ។
៦. តារាសម្ដែង May Ng អាយុ ៥១ឆ្នាំ
អតីតបេក្ខភាពបវរកញ្ញាហុងកុងឆ្នាំ ១៩៨៦រូបនេះ បានលាឈប់ពីសិល្បៈ ក្រោយរៀបការរួច និងចំណាយពេលជាភរិយា និងម្ដាយល្អក្នុងគ្រួសារទល់សព្វថ្ងៃ។ ទោះបីជាយ៉ាងណា នាងក៏នៅតែបង្ហាញមុខម្ដងម្កាលក្នុងកម្មវិធីផ្សេងៗ ជាហេតុធ្វើឲ្យមហាជនភ្ញាក់នឹងសម្រស់របស់នារីវ័យ៥១ឆ្នាំនេះណាស់។
៧. តារាសម្ដែង Charmaine Sheh អាយុ ៤៣
បន្ទាប់ជយលាភីជាបវរកញ្ញាលេខ ៣របស់ហុងកុងឆ្នាំ ១៩៩៧មក អាជីពសិល្បៈរបស់ Charmaine ងើបឡើងគួរកត់សម្គាល់។ ឯសម្រស់របស់នាងវិញ ធ្វើឲ្យអ្នកគាំទ្រលាន់មាត់គ្រប់គ្នាថា នៅតែក្មេង គ្មានប្រែប្រួលខ្លាំងសោះ ក្រោយចូលសិល្បៈជាង ២ទសវត្សរ៍មកនេះ។
៨. តារាសម្ដែង Kathy Chow អាយុ ៥១ឆ្នាំ
ចូលដល់ Khathy វិញក៏ចាយសម្រស់ញាក់សាច់ដែរ បើមិនដឹងអាយុពិតអាចគិតថា នាងទើបមានវ័យ ៣០ស្ដើងប៉ុណ្ណោះ។ដោយសារសម្រស់អំណោយផលបែបនេះហើយ ទើបនាងទទួលរហស្សនាមថាជា តារាទូរទស្សន៍ស្អាតបំផុតជាប្រវត្តិសាស្ត្រ។
៩. តារាសម្ដែង Jessica Hsuan អាយុ ៤៨ឆ្នាំ
ពេលនិយាយដល់តារាស្រីប្រចាំ TVB មជ្ឈដ្ឋានទូទៅនឹកឃើញមុនគេគឺ Jessica។ ចូលសិល្បៈតាំងពីឆ្នាំ ១៩៩៣ ឯវ័យកាន់តែជ្រេ ប៉ុន្តែភាពស្រស់ស្អាត និងសម្រស់ក្មេងខ្ចីរបស់នាងនៅតែតាមជាប់ជានិច្ច។
១០. តារាសម្ដែង Akina Hong អាយុ ៤៦ឆ្នាំ
នាងក៏ធ្លាប់ជាបេក្ខភាពបវរកញ្ញាហុងកុងឆ្នាំ ១៩៩៤ដែរ ហើយលេចមុខជាហូរហែក្នុងភាពយន្តភាគជាច្រើនរបស់ TVB។ អាយុ ៤៦ឆ្នាំក៏ដោយ ប៉ុន្តែវាមិនមែនជាបញ្ហាសម្រាប់ស្រីស្អាតរូបនេះដែរ៕