- 2019-04-10 04:38:31
- ព័ត៌មាន
ក្តៅ! មួយបទនេះ មាស សុខសោភា បាញ់អ្នកនៅលីវឈឺៗណាស់!
- 2019-04-10 04:38:31
- ចំនួនមតិ 0 | ចំនួនចែករំលែក 0
ក្តៅ! មួយបទនេះ មាស សុខសោភា បាញ់អ្នកនៅលីវឈឺៗណាស់!
ចន្លោះមិនឃើញ
"ឮតែភ្លេងការ តែអនិច្ចារោងការគេទេ" នេះគឺជាឃ្លាមួយ នៃបទថ្មីរបស់តារាចម្រៀងសម្លេងស្រទន់ មាស សុខសោភា ក្រោមចំណងជើងថា "ឆ្នាំថ្មីរកប្តីមិនបាន" ដែលបានបង្កប់ដោយអត្ថន័យចាក់ដោតបែបកំប្លែងដល់បងប្អូនស្ត្រីដែលនៅលីវ បានទាក់ទាញអ្នកគាំទ្រជាច្រើនចូល Comment និង tag មិត្តភ័ក្ដិ ព្រោងព្រាត និង សរសើរ ពីស្នាដៃតែងនិពន្ធរបស់កវី ដែលចេះយកសាច់រឿងបែបកំសត់មកធ្វើជាចង្វាក់រាំវង់បែបសប្បាយៗបាន។
ការប្រើ ពាក្យពេចន៍ក្នុងទំនុកច្រៀងមួយនេះពិតជាគួរឲ្យចាប់អារម្មណ៍ និងត្រូវសាច់រឿងរបស់យុវវ័យបច្ចុប្បន្ន បន្ថែមជាមួយចង្វាក់រាំវង់បែបរន្ថើន នាឱកាសពិធីបុណ្យចូលឆ្នាំខ្មែរប្រពៃណីជាតិ បានធ្វើឲ្យអ្នកគាំទ្រសរសើរចំពោះការចេះលើក យកបទប្រជាប្រិយខ្មែរ មកបកស្រាយរបស់កញ្ញា មាស សុខសោភា ។
គួរបញ្ជាក់ផងដែរថាបទនេះ ត្រូវបានផលិតឡើងនៅក្នុងផលិតកម្ម CAMTRAX ដែលជាផលិតកម្មផ្ទាល់ខ្លួនរបស់ កញ្ញា មាស សុខសោភា និងជាស្នាដៃនិពន្ធរបស់បេក្ខជននៃកម្មវិធីស្នាដៃកូនខ្មែរសម្រាប់ មាស សុខសោភា នោះគឺកញ្ញា លឹម ផាន់ណា ដែលអ្នកនិពន្ធរូបនេះក៏ធ្លាប់ទទួលបាននូវ ពានរង្វាន់ពីក្រសួងវប្បធ៌ម និងវិចិត្រសិល្បៈ លើស្នាដៃនិពន្ធកំណាព្យរឿង កាលពីចុងឆ្នាំ ២០១៨កន្លងទៅនេះ ៕