ភ្ញាក់ផ្អើល ខៃ ប្រសិទ្ធិ ឡើងពីអូស្ត្រាលី មកថត MV កម្ពុជាស្ងាត់ៗ

2019-05-06 02:14:33
ចម្រៀង

2019-05-06 02:14:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ជារឿងភ្ញាក់ផ្អើល១ដែលស្ងាត់ៗ តារាចម្រៀងសម្ដែងជើងចាស់ លោក ខៃ ប្រសិទ្ធិ បង្ហាញមុខថត MV ឲ្យអ្នកដឹកនាំសម្ដែងជើងចាស់ម្នាក់នៅស្រុកខ្មែរ ខណៈគេដឹងថា បច្ចុប្បន្នលោកកំពុងរស់នៅប្រទេសអូស្ត្រាលីឯណោះនោះ។

MV ដែលលោក ខៃ ប្រសិទ្ធិ ថតនៅ គឺជាបទចម្រៀងពីដើម ដោយលោកបានថតពីម្សិលមិញនៅ តំបន់ថ្មរូង ។ តាមការរៀបរាប់ របស់ លោក ខៃ ប្រសិទ្ធិ មកកាន់ Sabay ដើមហេតុដែលនាំឲ្យលោកសម្រេចចិត្តថតឡើងវិញនោះ ក៏ព្រោះតែលោក និងអ្នកដឹកនាំសម្ដែងនោះស្គាល់រាប់អានគ្នាតាំងពីយូរណាស់មកហើយ គួបផ្សំលោកមកលេងស្រុកកំណើត ហើយចិត្តនៅតែមិនដាច់អាល័យពីសិល្បៈផង ក៏សាកល្បងថតលេង១ថ្ងៃទៅ។

តារាចម្រៀងជើងចាស់រូបនេះ មិនបានដឹងថា បទចម្រៀងដែលថតឲ្យនោះជា តារាចម្រៀងរូបណាជាអ្នកច្រៀង និងថយឲ្យផលិតកម្មណាឡើយ គ្រាន់តែដឹងថា ជាបទចម្រៀងពីដើមៗ ប៉ុណ្ណោះ។

តាមការបញ្ជាក់របស់តារាជើងចាស់ ការដែលលោកចូលខ្លួនមកថតវីដេអូខាងលើនេះ មិនមែនមានន័យថា លោកនិងត្រឡប់មកលើវិថីនេះជាថ្មីឡើយ។ លោកថា គឺគ្រាន់តែចង់ថតលេង ជួយមិត្តភក្ត្រដែលធ្លាប់ធ្វើការជាមួយគ្នាកន្លងមកប៉ុណ្ណោះ។ ក្នុងដំណើរពីប្រទេសអូស្ត្រាលី មកលេងស្រុកកំណើតនេះ លោក ខៃ ប្រសិទ្ធិ មកចំនួនតែ២សប្ដាហ៍ប៉ុណ្ណោះ ហើយប្រហែល១សប្ដាហ៍ទៀត លោកនឹងត្រឡប់ទៅវិញហើយ៕

អត្ថបទ៖ ស៊ុន ហួត