- 2019-08-28 03:25:22
- ស្ទីលតារា
ពេញភ្នែកតែម្ដង តារាចម្រៀង វីរៈ និច្ច សម្ផស្សកាន់តែស្អាត រហូតដល់អ្នកគាំទ្រភ្លាត់មាត់
- 2019-08-28 03:25:22
- ចំនួនមតិ 0 | ចំនួនចែករំលែក 0
ពេញភ្នែកតែម្ដង តារាចម្រៀង វីរៈ និច្ច សម្ផស្សកាន់តែស្អាត រហូតដល់អ្នកគាំទ្រភ្លាត់មាត់
ចន្លោះមិនឃើញ
អ្នកគាំទ្រជាច្រើនបានភ្លាត់មាត់ពោលសរសើរតារាចម្រៀងស្រីរបស់សាន់ដេ គឺកញ្ញា វីរៈ និច្ច ថាស្អាតខ្លាំង គឺកាន់តែស្អាតបើធៀបនឹងរូបនាងពីអតីតកាល។
អ្នកគាំទ្រថ្លែងបែបនេះ ក្រោយពីពួកគេបានឃើញ វីរៈ និច្ច បានបញ្ចេញរូបថតរបស់នាងនៅលើ IG ដែលបង្ហាញថា តារាស្រីមានមុខពេញល្អ និងកាន់តែមានមន្តស្នេហ៍។ រូបភាពដែលមានតែ២សន្លឹក គឺ វីរៈ និច្ច ស្លៀកសំលៀកបំពាក់ប្រភេទរ៉ូប និងមានដៃតូច វាលនៅផ្នែកខាងលើចាប់ពីដើមទ្រូងទៅ បង្ហាញសាច់សខ្ចីរបស់នាង។ រូបភាពនេះ អ្នកគាំទ្រនាងលើកឡើងថា តារាស្រីពិតជាស្អាតខ្លាំង ឯអ្នកខ្លះទៀតបានពោលថា រូបគេលង់ស្នេហ៍នាងហើយ។
ចំពោះបញ្ហានេះ សាមីខ្លួនប្រាប់ថា នាងក៏បានទទួលពាក្យពេចន៍ល្អៗពីមិត្តភ័ក្ដិ និងសូម្បីសមាជិកក្នុងក្រុមគ្រួសារដែរ។ ដោយឡែកខ្លួននាងផ្ទាល់ ពិតមិនដឹងពីភាពលេចធ្លោរបស់ខ្លួនឯងនោះទេ ពោលគឺធ្វើខ្លួន តុបតែងកាយធម្មតាៗទៅតាមកាលៈទេសៈប៉ុណ្ណោះ។ អំពីភាពខុសប្លែក ឬក៏លេចធ្លោនេះ តារាស្រីវ័យ ២១ ឆ្នាំប្រាប់ថា ប្រហែលជាអាចមកពីនាងឡើងគីឡូ។
និច្ច បង្ហើបថា នាងបានឡើងគីឡូចំនួន ២គីឡូ ពី ៥១-៥៣គីឡូ ទើបធ្វើឲ្យមុខមានមើលទៅរាងពេញ និងស្អាតពេញភ្នែកបែបនេះ។ យ៉ាងណា នាងក៏មិនបណ្ដោយឲ្យគីឡូបន្តឡើងរហូតដល់គ្រប់គ្រងលែងបានដែរ។ "ចំពោះខ្ញុំ ប៉ុណ្ណឹងគឺសមរម្យ...តែខ្ញុំក៏មិនបារម្ភច្រើនដែរពីគីឡូ ព្រោះខ្ញុំងាយទេ ចង់ឡើង ឡើងបាន ចង់ស្រក ស្រកបាន ព្រោះខ្ញុំហាត់ប្រាណជាប្រចាំ"។
វីរៈ និច្ច ត្រូវបានគេមើលឃើញថា មានទាំងព្រមក្នុងនាមជាតារាសិល្បៈ ក្នុងនោះរូបសម្ផស្សក៏បាន ឯសំឡេងក៏ល្អ ព្រមទាំងមានវ័យក្មេងថែមទៀត។ ដូច្នេះហើយ សាមីខ្លួនធ្លាប់បានបង្ហើបថា នាងមានការងារសិល្បៈ ពិសេសការចេញច្រៀងតាមកម្មវិធីប្រគំតន្ត្រីតាមខេត្តឥតដាច់ ពេលខ្លះ នាងសឹងរកពេលសម្រាកនៅផ្ទះសឹងគ្មាន។ យ៉ាងណា មកដល់រដូវភ្លៀងនេះ តារាស្រីវ័យក្មេងរូបនេះ ប្រាប់ថា ការងារក៏បានថមថយដែរ ជាហេតុធ្វើឲ្យនាងមានពេលសម្រាកច្រើន។
ដូច្នេះហើយ ទើបបណ្ដាលឲ្យនាងឡើងទម្ងន់ចំនួន ២គីឡូ។ យ៉ាងដូចប្រាប់ពីខាងលើ និច្ច បញ្ជាក់ថា ចំពោះគីឡូគឺនាងអាចគ្រប់គ្រងបាន៕