- 2020-03-10 05:00:00
- ស្ទីលតារា
រវល់តែលង់មើល Yang Yang ក្នុងទូរសព្ទ មិនដឹងថា Yang Yang ពិតប្រាកដនៅក្រោយខ្នង
- 2020-03-10 05:00:00
- ចំនួនមតិ 0 | ចំនួនចែករំលែក 0
រវល់តែលង់មើល Yang Yang ក្នុងទូរសព្ទ មិនដឹងថា Yang Yang ពិតប្រាកដនៅក្រោយខ្នង
ចន្លោះមិនឃើញ
ជាមួយនឹងសកម្មភាពដ៏គួរឲ្យស្រលាញ់តែមួយគត់ប៉ុណ្ណោះ តារាសម្ដែងប្រុសល្បីឈ្មោះចិន Yang Yang បានធ្វើឲ្យអ្នកគាំទ្រលង់ស្រលាញ់រឹតតែខ្លាំងជាងមុន។
កាលពីពេលថ្មីៗនេះ បណ្ដាញសង្គមចិនបាននាំគ្នាចែកចាយវីដេអូឃ្លីបមួយដែលបានធ្វើឲ្យអ្នកគាំទ្រជាច្រើនច្រណែនជាខ្លាំង។ តាមនោះដែរ ក្នុងវីដេអូខ្លី ដែលត្រូវគេបង្ហោះនោះ បានបង្ហាញឲ្យឃើញថា កំពូលតារាសម្ដែងប្រុសចិន Yang Yang បានជិះជណ្ដើរយន្តជាមួយបុគ្គលិកស្ថានីយ៍ទូរទស្សន៍មួយ។
យ៉ាងណាក្ដី បុគ្គលិកស្រី រូបនេះរវល់តែចុច like វីដេអូ Duoyin (Tiktok) របស់ Yang Yang មិនចាប់អារម្មណ៍មនុស្សនៅជុំវិញខ្លួនទើបនាងមិនបានដឹងឡើយថា ខ្លួនកំពុងឈរក្បែរ Idol របស់ខ្លួន។
គួរបញ្ជាក់ផងដែរថា នេះគឺជាពេលដែល ប្រុសស្អាតវ័យ ២៨ឆ្នាំ ចូលរួមថតកម្មវិធី Happy Camp ទើបត្រូវជិះជណ្ដើរយន្តជាមួយបុគ្គលិកប៉ុស្តិ៍ទូរទស្សន៍បែបនេះ។ ក្រោយពេលឃើញថានាងចុចបេះដូងលើវីដេអូរបស់ខ្លួន លោកបានអៀនជាខ្លាំង ដែលធ្វើឲ្យអ្នកគាំទ្ររឹតតែលង់ស្រលាញ់តួរឿង Eternal Love លើសដើម៕