- 2017-12-25 06:40:00
- ភាពយន្ត
គំនូរជីវចលកម្សត់ទាំង៩ ដក់ជាប់ក្នុងចិត្តអ្នកទស្សនាមិនអាចបំភ្លេចបាន
- 2017-12-25 06:40:00
- ចំនួនមតិ 0 | ចំនួនចែករំលែក 0
គំនូរជីវចលកម្សត់ទាំង៩ ដក់ជាប់ក្នុងចិត្តអ្នកទស្សនាមិនអាចបំភ្លេចបាន
ចន្លោះមិនឃើញ
ប្រិយមិត្តធ្លាប់បានទស្សនាមកហើយនូវគំនូរជីវចលជាច្រើន ដែលតែងតែបម្រើអារម្មណ៍បំបាត់ភាពអផ្សុក។ រឿងតុក្កតាទាំងនោះ មានគ្រប់រសជាតិទៅតាមរឿងនីមួយៗ។ រឿងខ្លះពោរពេញទៅដោយភាពសប្បាយរីករាយ កំប្លុកកំប្លែង រន្ធត់ញាប់ញ័រ រីឯរឿងមួយចំនួនទៀតបានធ្វើឲ្យអ្នកទស្សនាក្ដុកក្ដួល ទ្រហ៊ោយំដូចជាកូនក្មេងក៏មាន។ ជាក់ស្ដែងដូចជារឿងទាំង ៩ខាងក្រោមនេះ ជាកំពូលរឿងគំនូរជីវចល ដែលបានធ្វើឲ្យអ្នកទស្សនាមិនតិចនាក់ទេដែលទ្រហ៊ោយំតាមនោះ។
១. រឿង “A Silent Voice”
រឿងនេះនិយាយពីតួអង្គម្នាក់ឈ្មោះ Shoko ។ Shoko បានផ្លាស់ប្ដូរទៅសាលាបឋមសិក្សា Shoya ពេលនោះដែរ នាងបានដឹងថានាងត្រូវបានមិត្តអ្នករួមថ្នាក់រើសអើងដោយសារតែនាងអសមត្ថភាពក្នុងការស្ដាប់។ ប៉ុន្មានឆ្នាំក្រោយមក អ្វីៗក៏បានប្រែប្រួល។
២. រឿង ”Into the Forest of Fireflies' Light (Hotarubi no Mori e)”
Hotaru ជាតួអង្គម្នាក់ដែលត្រូវបានជួយសង្គ្រោះដោយវិញ្ញាណមួយ នៅពេលដែលនាងបានវង្វេងក្នុងព្រៃកាលនាងនៅពីតូច។ ពួកគេទាំង២បានក្លាយជាមិត្តភក្ដិនឹងគ្នា ប៉ុន្តែនាងមិនបានដឹងទេថាវិញ្ញាណបុរសម្នាក់នោះនឹងត្រូវរលាយសូន្យប្រសិនបើគេបានប៉ះរូបរាងកាយរបស់មនុស្សលោកនោះ។
៣. រឿង ”In This Corner of the World”
ជីវិតរបស់ Suzu ត្រូវបានរស់នៅក្នុងភាពចលាចលនៅពេលដែលទីក្រុង Hiroshima បានបំផ្លាញដោយគ្រាប់បែកអំឡុងពេលសង្គ្រាមលោកលើកទី២។ នាងត្រូវទទួលខុសត្រូវ មើលថែក្រុមគ្រួសាររបស់នាងដោយការលំបាក ខ្វះខាតសម្ភារៈប្រើប្រាស់គ្រប់យ៉ាង តែនាងនៅតែតស៊ូរឹងប៉ឹងដើម្បីជីវិតរស់នៅ។
៤. រឿង ”The Girl Who Leapt Through Time”
Makoto ទទួលបានកម្លាំងពិសេសដែលអាចវិលត្រលប់ទៅពេលវេលាពីមុនបាន ហើយនាងបានសម្រេចចិត្តប្រើប្រាស់ថាមពលនេះដើម្បីប្រយោជន៍ផ្ទាល់ខ្លួននាង ដោយនាងមិនបានដឹងថានាងបានធ្វើឲ្យមានផលប៉ះពាល់ដល់ជីវិតអ្នកដទៃនោះទេ។
៥. រឿង ”When Marnie was there”
Anna មិនដែលធ្លាប់រំពឹងថានឹងបានជួបមិត្តល្អម្នាក់ដូចជា Marnie ដែលមិនវាយតម្លៃនាងសម្រាប់អ្វីដែលនាងមាននោះទេ។ ប៉ុន្តែ Annaមិនបានដឹងពីទំនាក់ទំនងដ៏ល្អរបស់ពួកគេ ក្រោយមកនាងបានចាប់ផ្ដើមសង្ស័យពីមិត្តថ្មីរបស់នាងម្នាក់នេះ។
៦. រឿង ”Your name”
ក្មេងប្រុសម្នាក់រស់នៅទីក្រុង Tokyo និងក្មេងស្រីម្នាក់ទៀតបានផ្លាស់ប្ដូររូបកាយគ្នាក្នុងពេលមួយ ហើយក្រោយមកពួកគេមិនបានចាំថាមានរឿងអ្វីកើតឡើងនៅពេលដែលរាងកាយពួកគេបានផ្លាស់ប្ដូរនោះទេ។
៧. រឿង ”Wolf Children”
ក្រោយពីគូស្នេហ៍ជាបិសាចចចកបានស្លាប់បាត់បង់ជីវិតដោយឧប្បត្តិហេតុមួយនោះ ស្ត្រីម្នាក់បានព្យាយាមស្វែងរកមធ្យោបាយក្នុងការចិញ្ចឹមកូនប្រុស និងកូនស្រីបិសាចចចកដែលនាងមានជាមួយនឹងបុរសចចកនោះ។
៨. រឿង ”5 Centimeters per Second”
ពេលវេលាជាថ្មីម្ដងទៀត ពេលវេលានៃការស្រលាញ់មិនពេញលេញដែលផ្ដល់ឲ្យជាថ្មីម្ដងទៀត។
៩. រឿង ”Grave of the Fireflies”
ក្មេងប្រុសម្នាក់ និងប្អូនស្រីរបស់គេបានពុះពារគ្រប់ឧបសគ្គដើម្បីរស់រានមានជីវិតក្នុងប្រទេសជប៉ុនអំឡុងពេលសង្គ្រាមលោកលើកទី២។ រឿងនេះនិពន្ធចេញឡើងពីរឿងពិតរបស់លោក Akiyuki Nosaka ដែលប្អូនស្រីរបស់លោកត្រូវបានស្លាប់ដោយការអត់ឃ្លានក្រោយការទម្លាក់គ្រាប់បែកនៅទីក្រុង Kobe ក្នុងឆ្នាំ ១៩៤៥៕
