ជាតិ សុច្ចកា ផ្លាស់ប្ដូរច្រើនខណៈ នីឡា មិត្តសម្លាញ់ជួបរឿងបែកបាក់ស្នេហា

2018-01-03 07:54:38
ជីវិតតារា

2018-01-03 07:54:38
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតបេក្ខភាពThe Voice Cambodia រដូវកាលទី២ ជាតិ សុច្ចកា មានការផ្លាស់ប្ដូរច្រើនមួយរយៈនេះ ខណៈពេល នីឡា ជាមិត្តសម្លាញ់របស់ខ្លួនជួបរឿងបែកបាក់ស្នេហា។

ការផ្លាស់ប្ដូរនេះមិនសំដៅទៅលើចំណងមិត្តភាពរវាង ជាតិ សុច្ចកា និង នីឡា នោះទេគឺនិយាយអំពីភាពឡូយឆាយ ជាមួយសម្ភារៈនិយមដែលរូបនាង ទទួលបានយ៉ាងឆាប់រហ័សស្ទើរមិនគួរឲ្យជឿ។ ជាក់ស្ដែងកាលពីពេលថ្មីៗនេះ សុច្ចកា បានទិញរថយន្តម៉ាក High Lander 05 ពណ៌ស ១គ្រឿង ព្រមទាំងឡើងគេហដ្ឋានមួយទៀតអស់ខ្ទង់រាប់ម៉ឺនដុល្លារឯណោះ។

ជាតិ សុច្ចកា បានប្រាប់ Sabay ថា នាង មានមោទនភាពយ៉ាងខ្លាំង នៅអ្វីដែលរូបគេមានប្រើប្រាស់សព្វថ្ងៃ តែមិនសប្បាយចិត្ត ទាក់ទងរឿង នីឡា ជាមិត្តសម្លាញ់បណ្ដូលចិត្តបានបែកបាក់ស្នេហាព្រោះតែភាពមិនចុះសម្រុងជាមួយគ្នា។ នាងថា៖" មានអារម្មណ៍សោកស្ដាយបង នៅពេលឃើញ នីឡា និងគូដណ្ដឹងគាត់ចែកផ្លូវគ្នាដើររៀងៗខ្លួនអញ្ចឹងតែមិនដឹងធ្វើម៉េច ខ្ញុំជាពួកម៉ាក់មានតែសោកស្ដាយ"។

ងាកមករថយន្ត និងឡើងផ្ទះតម្លៃរាប់ម៉ឺនដុល្លារនៅខេត្តកំពង់ចាម កាលពីចុងខែធ្នូ ឆ្នាំ ២០១៧ កន្លងទៅ សុច្ចកា បានអះអាងថាលុយទាំងអស់គឺជាកម្លាំងញើសឈាមនាង និងឪពុកម្ដាយទាំងអស់ មិនមានអ្នកធំណាម្នាក់ឧបត្ថម្ភនៅពីក្រោយខ្នងដូចពាក្យចចាមអារ៉ាមមួយចំនួនបានលើកឡើងឡើយ។

ជាតិ សុច្ចកា ជាកូនអ្នកកំពង់ចាម មករស់នៅភ្នំពេញតាំងពីតូច ជាកូនច្បងក្នុងគ្រួសារក្នុងចំណោមបងប្អូន ២ នាក់។ ចូលប្រឡូកសិល្បៈមុនដំបូងក្នុងឆ្នាំ ២០១៦ ក្នុងកម្មវិធី The Voice Cambodia រដូវកាលទី២ ។ ក្រោយមកនាងបានលេចមុខក្នុងភាពយន្តមួយចំនួនដូចជា "លេខាថ្មី" “តុក្កតាម៉ាន់នឺកាំង" “ផ្លូវទៅកាន់ភូមិ" ។ ចំណែកឯបទចម្រៀងវិញទើបតែចេញកាលពីពេលថ្មីៗនេះគឺ បទ "ខ្លាចបាត់រូបបង"៕

អត្ថបទ៖ ឆុង ស៊ីណាន