- 2018-03-12 09:06:03
- ភាពយន្ត
ពៅ លីដា ក្តោបតំណែងតួឯកដល់ទៅ៣រឿង ដើមឆ្នាំ២០១៨
- 2018-03-12 09:06:03
- ចំនួនមតិ 0 | ចំនួនចែករំលែក 0
ពៅ លីដា ក្តោបតំណែងតួឯកដល់ទៅ៣រឿង ដើមឆ្នាំ២០១៨
ចន្លោះមិនឃើញ
តារាសម្តែង ពៅ លីដា ទទួលបានកុងត្រាថ្មី៣រឿងទៀតសម្រាប់ចុងឆ្នាំ២០១៧ និងដើមឆ្នាំ២០១៨។ នេះបញ្ជាក់ថាតារាស្រីរូបស្អាតមានសមត្ថភាពសម្ដែងរូបនេះបានទទួលការងារមិនដាច់ និងមានការគាំទ្រយ៉ាងច្រើនពីទស្សនិកជន។
ថ្មីៗនេះតារាស្រីទម្រង់បែបខ្មែរ ពៅ លីដា ទើបតែថតបញ្ចប់ក្នុងរឿង "ក្រមុំឆ្នាសប៉ះមេស្រុកឆ្នើម" របស់ទូរទស្សន៍ PNN ដែលសម្ដែង ជានារីឆ្នាសឆ្នើមម្នាក់។
កុងត្រាថ្មីសម្រាប់ឆ្នាំថ្មី ស្រីស្អាត ពៅ លីដា ប្រាប់ថាមានរហូតទៅដល់៣ រឿង គឺ រឿង «ដួងច័ន្ទដួងចិត្ត» «សម្ពាយបុណ្យ» និង រឿង «ធនញ្ជ័យ»។ រឿងទាំងនេះ ក្នុងមួយរឿងមានមិនក្រោមពី៣០ភាគឡើយ ហើយកញ្ញាបានទទួលតំណែងជាតួឯកស្រីគ្រប់រឿង ដែលត្រូវចាក់ផ្សាយក្នុងស្ថានីយទូរទស្សន៍ក្នុងប្រទេសកម្ពុជា។
ចំពោះការបែងចែកពេលវេលាក្នុងការថតវិញ ត្បិតមានការមមាញឹកខ្លាំងក៏ដោយ កញ្ញាត្រូវបែកចែកពេលវេលាថតឲ្យបានច្បាស់ គឺពេញមួយសប្តាហ៍កញ្ញាលីដា គ្មានពេលសម្រាកតែម្ដង។ ពៅ លីដា រៀបរាប់ថា «ការថតនេះខ្ញុំចែកមួយអាទិត្យ ៣ថ្ងៃឲ្យរឿងមួយ សល់៤ថ្ងៃ ឲ្យរឿងពីរទៀត ។ និយាយទៅសុខភាពដោយថ្ងៃ គឺថ្ងៃណាក្ដៅខ្លាំងធ្វើឲ្យសុខភាពមិនល្អទេ ហត់ដែរ សំខាន់យើងត្រូវមានអាហារញ៉ាំឲ្យគប់គ្រាន់ ហើយការថតឥឡូវ អ្នកដឹកមិនមិនសូវថតដល់យប់ជ្រៅទេ អីចឹងឆាប់បានសម្រាក»។
ទោះជារវល់នឹងការងារយ៉ាងណា កញ្ញា ពៅ លីដា នៅតែប្រុងប្រយ័ត្នក្នុងការថែទាំសុខភាពនាង តែទោះយ៉ាងណាស្រីស្រស់ ពៅ លីដា សប្បាយចិត្ត និងស្រលាញ់ខ្លាំងចំពោះសាច់រឿងដែលនាងគ្រោងនឹងថតទាំងអស់នោះខ្លាំងណាស់៕
