- 2018-05-28 07:43:40
- ភាពយន្ត
ក្រោយសម្រាកអស់ខ្យល់ ហាន់ជីអ៊ុន វិលមកវិញចាប់ដៃ Park Bogeum ក្នុងរឿងភាគថ្មី
- 2018-05-28 07:43:40
- ចំនួនមតិ 0 | ចំនួនចែករំលែក 0
ក្រោយសម្រាកអស់ខ្យល់ ហាន់ជីអ៊ុន វិលមកវិញចាប់ដៃ Park Bogeum ក្នុងរឿងភាគថ្មី
ចន្លោះមិនឃើញ
ក្រោយពីបាត់មុខពីការសម្ដែងអស់រយៈពេលជាង ២ឆ្នាំ ពេលនេះកំពូលតារាស្រីប្រចាំប្រទេសកូរ៉េ Song Hye Kyo បានវិលមកសាជាថ្មី មកកាន់ការងារចាស់វិញហើយ។
ថ្ងៃទី ២៨ ខែឧសភានេះ មានប្រភពជិតស្និទ្ធមួយបានប្រាប់ប្រព័ន្ធផ្សព្វផ្សាយថា៖ "Song Hye Kyo ត្រូវបានជ្រើសជាតួឯកស្រីក្នុងរឿងភាគថ្មីមានចំណងជើងថា 'Boyfriend'”។ អ្វីដែលកាន់តែភ្ញាក់ផ្អើលជាងនេះទៅទៀតនោះ គឺក្រុមការងារកំពុងពិភាក្សាថាយក Park Bo Geum ធ្វើជាតួឯកប្រុស។ ប្រសិនតារាប្រុសនេះទទួល មានន័យថាលោក និង Hye Kyo នឹងចាប់ដៃគ្នាសម្ដែងរឿងជាលើកដំបូងក្នុងប្រវត្តិសាស្ត្រហើយ។
“Boyfriend” គឺជារឿងភាគបែបមនោសញ្ចេតនា ដែលផ្ដោតសំខាន់លើខ្សែជីវិតនារីម្នាក់ដែលមានអ្វីគ្រប់យ៉ាងក្នុងដៃ និងបុរសម្នាក់ដែលជាជនសាមញ្ញ។ អ្នកទាំង ២ នឹងត្រូវជួបប្រទះឧបសគ្គរាប់រយជំពូកក្នុងពាក់ព័ន្ធនឹងរឿងរ៉ាវស្នេហារបស់ពួកគេ។ សាច់រឿង ជាការនិពន្ធដោយ អ្នកនិពន្ធ Yoo Young Ah ដែលធ្លាប់ជោគជ័យតាមរយៈរឿងជាច្រើនដូចជា "Pretty Boy”, “Danddara”, “Hyung” និងរឿងល្បីផ្សេងទៀត។
ងាកមកតារាសម្ដែងស្រីជួរមុខកូរ៉េ Song Hye Kyo ឬហាន់ ជីអ៊ុនវិញ នេះជាស្នាដៃដំបូងរបស់នាងហើយ ក្រោយបញ្ចប់ការថតរឿង "ម្ចាស់ព្រះអាទិត្យ” ជាមួយស្វាមី Song Joong Ki កាលពីឆ្នាំ ២០១៦កន្លងទៅ៕
