តួអង្គ Thor បង្ហើបថា "Avengers 4” នឹងធ្វើឲ្យអ្នកគាំទ្រគ្រប់គ្នាតក់ស្លុត

2018-06-04 07:40:00
ភាពយន្ត

2018-06-04 07:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង Chris Hemsworth ដែលយើងបានស្គាល់តាមរយៈការសម្ដែងរបស់លោកជាតួអង្គ Thor បានបង្ហើបថ្មីៗនេះថា ភាពយន្ត "Avengers 4” ដែលនឹងបញ្ចេញឆ្នាំក្រោយនេះ នឹងកាន់តែធ្វើឲ្យអ្នកតក់ស្លុតជាង "Avengers: Infinity War” ទៅទៀត។

តារាវ័យ ៣៤ឆ្នាំរូបនេះបានសម្ដែងជាតួអង្គសំខាន់មួយនៅក្នុងសេរីរឿងបែបវិរបុរសរបស់ពិភព Marvel (Marvel Cinematic Universe) ហើយថ្មីៗនេះលោកបាននិយាយរឿងពាក់ព័ន្ធនឹងហេតុការណ៍ផ្សេងៗដែលអាចកើតឡើង សម្រាប់ភាពយន្ត Avengers វគ្គថ្មី។ បន្ទាប់ពីភាពយន្ត "Infinity War” ទើបតែបញ្ចេញបានជាង១ខែ ហើយបានធ្វើឲ្យអ្នកគាំទ្រគ្រប់គ្នាភ្ញាក់ផ្អើលនូវអ្វីដែលបានកើតឡើងនោះ ភាពយន្ត "Avengers 4” នឹងកាន់តែធ្វើឲ្យតក់ស្លុតមួយកម្រិតថែមទៀត។

Chris បាននិយាយថា "ប្រសិនជាអ្នកតក់ស្លុតដោយ 'Infinity War' ខ្ញុំគិតថាភាពយន្តវគ្គថ្មីនេះ នឹងធ្វើឲ្យអ្នកកាន់តែតក់ស្លុតមួយកម្រិតទៀត សម្រាប់មូលហេតុថ្មីមួយទៀតនឹកស្មានមិនដល់។ នេះជាអ្វីដែលធ្វើឲ្យខ្ញុំពិតជាភ្ញាក់ផ្អើលខ្លាំង នៅពេលបានអានប៉ារ៉ូលសម្រាប់រឿងនេះលើកដំបូង។ មិនត្រឹមតែប៉ុណ្ណោះខ្ញុំក៏រំភើបចិត្តដែល អ្នកនិពន្ធបានរៀបចំសាច់រឿងសម្រាប់តួអង្គផ្សេងៗជាច្រើនខុសគ្នាឲ្យមានឈុតឆាកនិងទិដ្ឋភាពផ្ទាល់ខ្លួនគ្រប់គ្នា ហើយក៏មានឈុតឆាកសម្ដែងរួមគ្នា ពិតជាល្អនិងអស្ចារ្យមិនធម្មតា។"

លោកបន្តថា ខ្លួនពិតជាសប្បាយចិត្តណាស់ចំពោះភាពយន្ត "Avengers 4” ដែលនឹងបញ្ចេញនៅឆ្នាំ ២០១៩ នេះ ហើយក៏បានបង្ហាញពីអារម្មណ៍ខ្លួនពេលបានសម្ដែងជាតួអង្គ Thor ផងដែរ ដែលបទពិសោធន៍នេះពិតជាអស្ចារ្យ៕

ប្រភព៖ entertainment.toggle ប្រែសម្រួល៖ ធារ៉ូ