- ច័ន្ទ, 2 កក្កដា 2018 06:02
- ភាពយន្ត
One Mission ធ្វើពិធីជប់លៀងធំលើកទី១ ជាមួយការប្រកាសថ្ងៃបញ្ចាំងផ្លូវការ
- ច័ន្ទ, 2 កក្កដា 2018 06:02
- ចំនួនមតិ 0 | ចំនួនចែករំលែក 0
One Mission ធ្វើពិធីជប់លៀងធំលើកទី១ ជាមួយការប្រកាសថ្ងៃបញ្ចាំងផ្លូវការ
ចន្លោះមិនឃើញ
កាលពីយប់ថ្ងៃ សុក្រ សប្ដាហ៍មុន ក្រុមការងារផលិតកម្ម Studio4 ដែលជាអ្នកផលិតភាពយន្ត "បេសកកម្មមួយ" បានរៀបចំកម្មវិធីជប់លៀងថ្លែងអមណរគុណយ៉ាងធំ ដោយអញ្ជើញភ្ញៀវកិត្តិយស តួសម្ដែង ក្រុមការងារ និងអ្នកពាក់ព័ន្ធសំខាន់ជាច្រើនចូលរួម នៅ MYTH Pub ជាមួយការប្រកាសថ្ងៃបញ្ចាំងជាផ្លូវការនៅលើកញ្ចក់ទូរទស្សន៍។
លោក ជ័យ សម្បត្តិ ម្ចាស់ផលិតកម្ម បានរៀបរាប់ថា៖ "ខ្ញុំមានពាក្យមួយចំនួនចង់អរគុណទៅដល់អ្នកសហការ និងអ្នកឧបត្ថម្ភ ពិសេសស្ថាប័នដែលបានគាំទ្រយើងកន្លងមកដូចជាខាង MYTV និងលោក ជី សិលា (នាយកប្រតិបត្តិក្រុមហ៊ុន Sabay Digital) ដែលជាដៃគូសហការធំមួយ និងតែងតែផ្ដល់គម្រោងជាច្រើនមកកាន់ផលិតកម្មយើង។ ខ្ញុំសង្ឃឹមថាយើងនឹងមានកិច្ចសហការផ្សេងៗសម្រាប់បន្តធ្វើការងារជាមួយគ្នាទៅមុខទៀត ដើម្បីឆ្លើយតបទៅកាន់តម្រូវការនៅក្នុងទីផ្សារផ្នែកកម្សាន្ត មិនថាភាពយន្តភាគ ឬភាពយន្តខ្នាតធំក្ដី"។
លោក ជី សិលា នាយកប្រតិបត្តិក្រុមហ៊ុន Sabay Digital បានលើកឡើងថា៖ “យើងបានឃើញភាពជោគជ័យរបស់ One Mission តាំងពីចេញជាសៀវភៅ ដូច្នេះយើងបានចរចាជាមួយប្អូន ម៉ានិត ដើម្បីទិញសិទ្ធប្រលោមលោកនេះ ដាក់ក្នុងវិបសាយប្រលោមលោករបស់យើង។ ជាក់ស្ដែងមានមនុស្សរាប់ម៉ឺននាក់អានមែន។
លោកបន្តថា ខ្លួនពិតជាភ្ញាក់ផ្អើលពេលដែលឮថារឿងនេះត្រូវបានសម្រាយទៅជាភាពយន្តភាគ។ មិនតែប៉ុណ្ណោះ លោកក៏បានសម្រេចចរចាជាមួយខាងទូរទស្សន៍ MYTV ដើម្បីយករឿងនេះមកចាក់ក្នុងប្រព័ន្ធកម្សាន្ត Soyo ក្រោយពេលផ្សាយលើទូរទស្សន៍រួចដែរ។
Soyo គឺជាកម្មវិធីទស្សនាវីដេអូ និងភាពយន្តបង្កើតឡើងដោយក្រុមហ៊ុន Sabay ក្រោមទិសដៅផ្ដល់ការកម្សាន្ត និងផ្ដោតលើការផ្សព្វផ្សាយ និងលើកស្ទួយវិស័យភាពយន្តខ្មែរ។
"One Mission" នឹងបញ្ចាំងជាផ្លូវការនៅល្ងាចថ្ងៃ ២ កក្កដា នេះ នៅលើកកញ្ចក់ទូរទស្សន៍ MYTV៕
