- 2018-07-03 04:49:50
- ស្ទីលតារា
សុខ ស្រីនាង មិនហ៊ានស៊ិចស៊ី ព្រោះខ្លាចមនុស្សពិសេសអន់ចិត្ត
- 2018-07-03 04:49:50
- ចំនួនមតិ 0 | ចំនួនចែករំលែក 0
សុខ ស្រីនាង មិនហ៊ានស៊ិចស៊ី ព្រោះខ្លាចមនុស្សពិសេសអន់ចិត្ត
ចន្លោះមិនឃើញ
តារាចម្រៀង សុខ ស្រីនាង ប្រាប់ថា តាមពិតក៏ស្រលាញ់ការស្លៀកពាក់សិចស៊ីខ្លះដែរ តែរូបនាងមិនអាចស្លៀកពាក់បញ្ចេញសាច់ឲ្យមើលទៅហួសហេតុទេ ព្រោះបារម្ភ ខ្លាចអ្នកម្ដាយមិនអាចទទួលយកបាន ទើបតារាសម្បូរមន្តស្នេហ៍រូបនេះ និយមតុបតែងខ្លួន Cute Cute បែបយុវវ័យ កម្របង្ហាញភាពសិចស៊ី បញ្ចេញដើមទ្រូងដូចតារាផ្សេងៗ។
ម្ចាស់បទ" ហត់ទេស្រលាញ់គេម្នាក់ឯង" បន្តថា គ្រប់ស្ទីលស្លៀកពាក់ គឺរូបនាងចូលចិត្តទាំងអស់ មិនថា បែបសិចស៊ី សុភាព Swag និងយុវវ័យនោះទេ។ សម្រាប់ការស្លៀកពាក់សិចស៊ី ស្រីនាងក៏ធ្លាប់ស្លៀកខ្លះដែរ ប៉ុន្តែមិនសូវញឹកញាប់ទេ ព្រោះខ្លាចអ្នកម្ដាយមិនសប្បាយចិត្ត ដោយសារគាត់មិនសូវចូលចិត្ត និងមិនចង់ឲ្យកូនស្រីត្រូវរងក្រសែភ្នែកពីមជ្ឈដ្ឋានទូទៅក្នុងន័យផ្សេងៗ។ ម្ល៉ោះហើយទើបតាំងពីប្រលូកសិល្បៈមក មិនសូវហ៊ានស្លៀកពាក់លេចលើលេចក្រោមខុសទំនង។
តួអង្គក្នុងរឿង "រាជិនីភូមិគ្រឹះ" និយាយថា ទោះជាមិនសូវមានការគាំទ្រពីអ្នកម្ដាយលើរឿងស្លៀកពាក់សិចស៊ីក៏ពិតមែន តែបើកាលៈទេសៈតម្រូវឲ្យស្លៀក នោះរូបនាងនឹងស្លៀកខ្លីបញ្ចេញសាច់ខ្លះហើយ គ្រាន់តែថា ជ្រើសយកម៉ូដណាដែលមើលទៅសិចស៊ីមានកម្រិត អាចទទួលយកបាន៕