- 2018-07-03 10:06:56
- ភាពយន្ត
រឿងភាគដំបូងបង្អស់របស់ Park Bo Geum និង Song Hye Kyo នឹងបញ្ចាំងចុងឆ្នាំនេះ
- 2018-07-03 10:06:56
- ចំនួនមតិ 0 | ចំនួនចែករំលែក 0
រឿងភាគដំបូងបង្អស់របស់ Park Bo Geum និង Song Hye Kyo នឹងបញ្ចាំងចុងឆ្នាំនេះ
ចន្លោះមិនឃើញ
មានអ្នកគាំទ្រមិនតិចទេ ដែលទន្ទឹងរង់ចាំយ៉ាងអន្ទះសាក្នុងការទស្សនាភាពយន្តសម្ដែងរួមគ្នាជាលើកដំបូងរវាងតារាសម្ដែង Song Hye Kyo និង Park Bo Geum។
ជាមួយគ្នានេះ បើតាមការឲ្យដឹងពីក្រុមការងាររបស់ Song Hye Kyo បានបញ្ជាក់ថា ភាពយន្តថ្មីដែលមានចំណងជើងថា "Boyfriend” នេះ នឹងបង្ហាញរូបរាងនៅខែធ្នូឆ្នាំនេះ។ រឿងភាគមួយនេះ នឹងបង្ហាញពីខ្សែជីវិតរបស់នារីម្នាក់ដែលមានអ្វីៗគ្រប់យ៉ាង និងបុរសសាមញ្ញម្នាក់ដែលគ្មានអ្វីទាំងអស់។
តាមរយៈរឿងនេះដែរ Song Hye Kyo នឹងសម្ដែងជាតួស្រីដែលមានឈ្មោះថា "Cha Soo Hyun” ជាស្ត្រីម៉េម៉ាយដែលមកពីគ្រួសារអ្នកមានស្ដុកស្ដម្ភ។ នាងត្រូវបានបង្ខំឲ្យរៀបការដោយម្ដាយរបស់នាង ដែលជាមនុស្សសុខចិត្តបូជាក្ដីសុខរបស់កូន ព្រោះឃើញភាពមានបានរបស់បុរសម្នាក់។ គួរឲ្យស្ដាយចុងក្រោយស្វាមីរបស់ Cha Soo Hyun ក៏ទុកប្រពន្ធកូនចោលគ្មានស្រណោះ។
ចំណែក Park Bo Geum ដែលសម្ដែងជា Kim Jin Hyuk គឺជាបុរសម្នាក់ដែលសង្វាតចាប់យកការងារក្រៅម៉ោងជាច្រើនដើម្បីរកលុយចិញ្ចឹមជីវិត។ បន្ទាប់ពីត្រូវបានក្រុមហ៊ុនជាច្រើនបដិសេធមក លោកក៏បានធ្វើដំណើរទៅបរទេស ហើយក៏បានជួបនារីម្នាក់ដែលខុសពីនារីផ្សេងលោកធ្លាប់ស្គាល់។
“Boyfriend” គឺជាខ្សែភាពយន្តថ្មី ដែលទទួលបានការចាប់អារម្មណ៍ច្រើន ស្របពេលវាជារឿងដំបូងដែល Song Hye Kyo និង Park Bo Geum ថតរួមគ្នាជាលើកដំបូង។
ប៉ុន្តែសម្រាប់ទូរទស្សន៍ tvN ឯណោះវិញក៏បានឆ្លើយតបដែរថា៖ "មិនទាន់មានអ្វីដែលត្រូវបានបញ្ជាក់លម្អិតនោះទេសម្រាប់រឿងនេះ។ ម្យ៉ាងគម្រោងនេះ ក៏កំពុងស្ថិតក្រោមការពិភាក្សាដែរ”៕
