- 2018-07-16 05:00:00
- ភាពយន្ត
តួ Superman ពាក់នាឡិកាតម្លៃខ្ទង់ម៉ឺនដុល្លារ ថ្ងៃសម្ពោធរឿង "Mission Impossible: Fallout”
- 2018-07-16 05:00:00
- ចំនួនមតិ 0 | ចំនួនចែករំលែក 0
តួ Superman ពាក់នាឡិកាតម្លៃខ្ទង់ម៉ឺនដុល្លារ ថ្ងៃសម្ពោធរឿង "Mission Impossible: Fallout”
ចន្លោះមិនឃើញ
កាលពីថ្ងៃសៅរ៍ចុងសប្ដាហ៍កន្លងទៅនេះ តារាសម្ដែង Henry Cavill ដែលយើងបានស្គាល់តាមរយៈការសម្ដែងរបស់លោកជាតួ Superman បានបង្ហាញខ្លួននៅក្នុងការសម្ពោធដាក់បញ្ចាំងរឿង "Mission Impossible: Fallout” នៅទីក្រុងប៉ារីស ប្រទេសបារាំង។
Henry បានស្លៀកឈុតពណ៌ប្រផេះយ៉ាងស្រស់សង្ហា ប៉ុន្តែអ្វីដែលលេចធ្លោបំផុតនោះគឺ នាឡិកាម៉ាក Jaeger-LaeCoultre Polaris Chronograph ពណ៌មាសកូឡាប មានតម្លៃដល់ទៅជាង ១ម៉ឺន៤ពាន់ដុល្លារ។ នេះមិនមែនជាលើកទី១ នោះទេចំពោះ តារារូបនេះក្នុងការពាក់នាឡិកាតម្លៃថ្លៃកប់ពពក ដោយលោកធ្លាប់ពាក់នាឡិកាម៉ាក Omega Wristwatch តម្លៃ ២៣ ៩០០ដុល្លារកាលពីថ្ងៃដាក់បញ្ចាំងរឿង "Man of Steel” កាលពីឆ្នាំ ២០១៣។
តួរឿង "Mission Impossible: Fallout” នេះបញ្ជាក់ថា នាឡិកាម៉ាក Polaris គឺជាម៉ូដនាឡិកាមួយដែលលោកពេញចិត្តនិងអាចពាក់បានគ្រប់ពេល សម្រាប់ការងារប្រចាំថ្ងៃ។
គូសបញ្ជាក់ថាភាពយន្ត "Mission Impossible 6” ដែលមានការចូលរួមពីសំណាក់តារាហូលីវូដល្បី Tom Cruise នេះនឹងចាប់ដាក់បញ្ចាំងនៅប្រទេសកម្ពុជានៅថ្ងៃទី ២៧ ខែកក្កដានេះហើយ ដែលនាំយកមកដោយ Sabay MVP៕
