- 2018-09-06 04:09:24
- ព័ត៌មាន
លេងសើចម៉េចបាន ស្ងាត់ៗ ចាន់ ស្រីរ័ត្ន រកបានផ្ទះមួយជង់បាត់ហើយ!
- 2018-09-06 04:09:24
- ចំនួនមតិ 0 | ចំនួនចែករំលែក 0
លេងសើចម៉េចបាន ស្ងាត់ៗ ចាន់ ស្រីរ័ត្ន រកបានផ្ទះមួយជង់បាត់ហើយ!
ចន្លោះមិនឃើញ
ក្រោយពីឲ្យតម្រុយម្ដងជាពីរដងរឿងផ្ទះធំទ្រនំខ្ពស់មិនបានប៉ុន្មានផង ឥឡូវមានដំណឹងថាស្រីស្អាត ចាន់ ស្រីរ័ត្ន រកបានទ្រនំកក់ក្ដៅនោះហើយ។
“ចាស់បង...ផ្ទះនោះ ទិញបានហើយគឺទើបបានថ្មីៗនេះឯង"។ នៅមុនបើកបង្ហាញនៅពេលនេះ ដំបូងគេបានឃើញ ស្រីរ័ត្ន ដើរមើលផ្ទះជាច្រើន ព្រមជាមួយការឲ្យតម្រុយទៀតថា នាងនឹងទិញវាឆាប់ៗ។ ផ្ទះដែលនាងដើរមើលនោះ ជាប្រភេទផ្ទះធំប្រភេទវីឡា ដែលធ្វើឲ្យប្រិយមិត្តនាងជាច្រើនស្ងើចសរសើរពីសមត្ថភាពរបស់នាង។
ប៉ុន្តែនិយាយដល់ចំណុចនេះ តារាស្រីបានផ្ទុះសំណើច។ "អាផ្ទះដែលខ្ញុំបង្ហោះនោះ មិនមែនផ្ទះខ្ញុំទេ គេច្រលំគ្រប់គ្នាឃើញខ្ញុំ សរសេរថា see you soon តែមិនមានន័យថាផ្ទះខ្ញុំទេ ហាសហាអ្នកដឹងរឿងគេសើចខ្ញុំណាស់!(សើច)”។ ស្រីរ័ត្ន ថ្លែង។
ផ្ទះដែលតួស្រីក្នុងរឿង "វិបល្លាស" ទិញ គឺជាប្រភេទផ្ទះវីឡាកូនកាត់មានតម្លៃជាង៥ម៉ឺនដុល្លារអាមេរិក ស្ថិតក្នុងបុរីពិភពថ្មីក្រុងតាខ្មៅ។ យ៉ាងណាក៏ដោយ ផ្ទះនោះ មិនមែនជាផ្ទះនាងទិញឡើយ ប៉ុន្តែជាផ្ទះរបស់ម្ដាយ...ហើយនាងរស់ជុំគ្នាជាមួយគ្រួសារ។ នាងមិនមានគម្រោងធ្វើពិធីធំដុំឡើងផ្ទះថ្មីនេះឡើយ ដោយត្រឹមតែការជួបជុំបងប្អូនបន្តិចបន្តួចប៉ុណ្ណោះ។
កញ្ញា ចាន់ ស្រីរ័ត្ន ឲ្យដឹងទៀតថា នាងនៅបន្តរស់នៅជុំគ្នាជាមួយគ្រួសារ និងមិនទាន់មានគម្រោង ក៏ដូចជាលទ្ធភាព ដើម្បីរកផ្ទះកម្មសិទិ្ធផ្ទាល់ខ្លួននៅឡើយទេ៕
