- 2018-11-25 03:30:53
- ព័ត៌មាន
តារាល្បីៗជាច្រើននឹងជុំជើងគ្នា បង្ហាញទស្សនីយភាពអស្ចារ្យក្នុងកម្មវិធីនៃគម្រោង "ភ្នំពេញស្អាត"
- 2018-11-25 03:30:53
- ចំនួនមតិ 0 | ចំនួនចែករំលែក 0
តារាល្បីៗជាច្រើននឹងជុំជើងគ្នា បង្ហាញទស្សនីយភាពអស្ចារ្យក្នុងកម្មវិធីនៃគម្រោង "ភ្នំពេញស្អាត"
ចន្លោះមិនឃើញ
ក្រោយពីបានជួបជុំ និងឯកភាពគ្នា ក្រុមអ្នកមានទេពកោសល្យលើផ្នែកគំនិតច្នៃប្រឌិតសិល្បៈ បានកំណត់ធ្វើកម្មវិធីពិសេសមួយ ក្នុងបំណងធ្វើឲ្យគម្រោង "ភ្នំពេញស្អាត” ដែលមានលោក ជី សិលាជាសហស្ថាបនិកគម្រោងនេះ កាន់តែមានភាពអស្ចារ្យថែមមួយកម្រិត។
កម្មវិធីអស្ចារ្យនោះមានឈ្មោះថា “SAAT Art Collaboration" ដែលនឹងលេចរូបរាងជាផ្លូវការនៅថ្ងៃទី ២៨ ខែវិច្ឆិកា វេលាម៉ោង ៥ ល្ងាចដល់ម៉ោង ៩យប់ នៅផ្សារទំនើបអ៊ីអនម៉ល សែនសុខ ជាន់ទី៣។ អ្វីដែលកាន់តែរំភើប កម្មវិធីនេះនឹងមានវត្តមានតារាជាង២០នាក់ឯណោះ ចូលរួមបង្កើតទស្សនីយភាពអស្ចារ្យរួមគ្នា តាមរយៈការបង្ហាញវត្ថុសិល្បៈជាច្រើន (Recycled Fashion Show) ដែលច្នៃចេញពីសម្រាម។
តារាចម្រៀង Original Song ក៏ដូចជាក្រុមអ្នកមានទេពកោសល្យលើផ្នែកគំនិតច្នៃប្រឌិតសិល្បៈ នឹងរួមគ្នាធ្វើឲ្យកម្មវិធីកាន់តែពិសេសពោរពេញទៅដោយភាពសប្បាយរីករាយ ហើយអ្វីដែលសំខាន់ពួកគេនឹងបំផុសការយល់ដឹងបន្ថែមទៅកាន់មហាជនពីអត្ថប្រយោជន៍នៃសម្រាម ក៏ដូចជាគំនិតច្នៃប្រឌិតនានាដែលអាចកែច្នៃសម្រាមទៅជាវត្ថុសិល្បៈដ៏មានតម្លៃ តាមរយៈយុទ្ធនាការភ្នំពេញស្អាត៕