- 2020-02-26 07:29:53
- ភាពយន្ត
ស្នាដៃ ស្វែង សុជាតា មួយរឿងដើមឆ្នាំ ២០២០ ដឹងតែភ័យហ្មង!
- 2020-02-26 07:29:53
- ចំនួនមតិ 0 | ចំនួនចែករំលែក 0
ស្នាដៃ ស្វែង សុជាតា មួយរឿងដើមឆ្នាំ ២០២០ ដឹងតែភ័យហ្មង!
ចន្លោះមិនឃើញ
តាមផែនការ តារាសម្ដែងល្បីឈ្មោះ ស្វែង សុជាតា នឹងសម្ពោធស្នាដៃថ្មីរបស់ខ្លួនមួយទៀតដើមខែ មីនា ឆ្នាំ២០២០ខាងមុខនេះក្នុងផលិតកម្ម បាដិហារ្យភាពយន្ត ជាប្រភេទភ័យលោះព្រលឹងតែម្ដង។
រឿងនេះ មានចំណងជើងថា ”វិញ្ញាណតៃហោង”។ ស្នាដៃថ្មីនេះអ្នកនាងនៅតែសម្ដែងជាតួអង្គបែប កម្សត់ ជាមួយការអប់រំកាន់តែខ្ពស់ជាងមុន។ យ៉ាងណាសាច់រឿងទាំងមូល គឺភ័យលោះព្រលឹងស្ទើរគ្រប់ឈុតតែម្ដង ដែលកើតពីការដេញលងមិនអាសូររបស់ខ្មោចស្រីម្នាក់ ដែលផុតរលត់សង្ខាទៅពោរពេញដោយកំហឹង។
លោក ស៊ុម ភារិន ផលិតករ និងជាចាងហ្វាងផលិតកម្ម បាដិហារ្យភាពយន្តបានបញ្ជាក់ថា នេះសមិទ្ធផលថ្មីមួយទៀតរបស់លោក ខណៈគិតមកដល់ថ្ងៃនេះ ភាពយន្តថ្មីរឿង “វិញ្ញាណតៃហោង” បានបញ្ចេញជា Poster និង Trailer រួចហើយ និងកំពុងទទួលបានការចាប់អារម្មណ៍ពីប្រិយមិត្តដែលនិយមគាំទ្រភាពយន្តខ្មែរ។
តាមផែនការ បន្តពីនេះទៅ "វិញ្ញាណតៃហោង" ត្រៀមនឹងបង្ហាញវត្តមានជាផ្លូវការជូនទស្សនិកជនទស្សនាចាប់ពីថ្ងៃទី២ ខែមីនា ឆ្នាំ២០២០តទៅ។ លោកថាជាភាពយន្តមានគ្រប់រសជាតិ កម្សត់ស្នេហាព្រាត់ប្រាស់ ភ័យរន្ធត់ អមដោយភាពកំប្លុកកំប្លែង។
ក្រៅតែពីស្នាដៃរឿង”វិញ្ញាណតៃហោង” ផលិតកម្ម បាដិហារ្យភាពយន្តត្រៀមនឹងបញ្ចេញស្នាដៃ ៣ផ្សេងទៀតផងដែរក្នុងឆ្នាំ២០២០នេះ ដើម្បីឆ្លើយតបតាមតម្រូវការទីផ្សារនៃអ្នកទស្សនាភាពយន្តខ្មែរ៕
