- 2020-03-02 07:49:18
- ភាពយន្ត
ទើបដឹង លោក ហ្វៃ សំអាង កំពុងសម្ងំនិពន្ធខ្សែភាពយន្ដខ្នាតធំបូរាណមួយរឿង
- 2020-03-02 07:49:18
- ចំនួនមតិ 0 | ចំនួនចែករំលែក 0
ទើបដឹង លោក ហ្វៃ សំអាង កំពុងសម្ងំនិពន្ធខ្សែភាពយន្ដខ្នាតធំបូរាណមួយរឿង
ចន្លោះមិនឃើញ
មិនចំឡែកទេដែលអ្នកនិពន្ធ និងដឹកនាំរឿងជើងចាស់ ហ្វៃ សំអាង មិនសូវឃើញមុខជាមួយសិល្បករ-សិល្បការិនី ឬបានបញ្ចេញស្នាដៃតែងនិពន្ធរបស់ខ្លួនក្នុងឆ្នាំ២០២០ នេះ ដោយលោកបញ្ជាក់ថា រូបលោកកំពុងខិតខំសរសេររឿងខ្មែរបុរាណមួយឲ្យចប់សព្វគ្រប់ក្នុងឆ្នាំ២០២០។
លោក ហ្វៃ សំអាង កំពុងសម្ងំសរសេររឿងដែលបានគិតជាយូរមកហើយនោះ ឲ្យចេញជាខ្សែភាពយន្ដអស្ចារ្យ និងប្លែកជាងរឿងណាៗទាំងអស់ក្នុងចំណោមស្នាដៃរបស់លោកកន្លងមក ដើម្បថ្ពក់ចិត្ដទស្សនិកជន ហើយរឿងនេះនឹងចាប់ផ្ដើមថតនៅឆ្នាំ២០២១។
ត្បិតថា អ្នកនិពន្ធ និងដឹកនាំរឿងជើងចាស់រូបនេះមិនទាន់អាចបញ្ចេញនូវចំណងជើងរឿង និងខ្លឹមសាររឿងទាំងមូល។ ប៉ុន្តែលោកបង្ហើបថារឿងនេះត្រូវចំណាយពេលថតយ៉ាងហោច៦ខែ ហើយលោកក៏នឹងរៀបចំកម្មវិធីសិល្បៈមួយដែរមុននឹងចាប់ផ្ដើមថតរឿងមួយនេះ។
ប្រិយមិត្ដភាគច្រើនបានស្គាល់ស្នាដៃតែងនិពន្ធ និងដឹកនាំរឿងរបស់លោក ហ្វៃ សំអាង តាមរយៈរឿង"មរណៈមាតា" "ចៅពស់កេងកង" និងរឿង"ទុំទាវ"ជាដើម។ សរុបទៅស្នាដៃតែងនិពន្ធ និងដឹកនាំរឿងដោយខ្លួនលោកផ្ទាល់មិនតិចជាង២០រឿងឡើយ ហើយរឿងភាគច្រើនទទួលបានការគាំទ្រពីទស្សនិកជន។ ស្នាដៃថ្មីមួយទៀតនេះក៏លោកសង្ឃឹមថា នឹងទទួលបានការគាំទ្រច្រើនដែរ៕
