- 2020-03-11 02:37:52
- ភាពយន្ត
ហ្អាក...ឈុតខ្លះក្នុងរឿង "មិត្ដក្របី" ត្រូវថតឡើងវិញទាំងអស់!
- 2020-03-11 02:37:52
- ចំនួនមតិ 0 | ចំនួនចែករំលែក 0
ហ្អាក...ឈុតខ្លះក្នុងរឿង "មិត្ដក្របី" ត្រូវថតឡើងវិញទាំងអស់!
ចន្លោះមិនឃើញ
ខ្សែភាពយន្តរឿង"មិត្ដក្របី" របស់ផលិតកម្មអាថាន់ភាពយន្ដ ថតបាន៨០%ហើយ ប៉ុន្តែអ្នកដឹកនាំរឿងសម្រេចថតឈុតឆាកខ្លះឡើងវិញ ដោយការរៀបចំទីតាំង និងសកម្មភាពសម្ដែងខ្លះមិនស៊ីនឹងសាច់រឿង។
គ្រូបង្រៀនក្បាច់គុនល្បុក្កតោ និងជាអ្នកដឹកនាំរឿងប្រចាំនៅផលិតកម្មអាថាន់ភាពយន្ដ គឺលោក ឆន ច័ន្ទវីរៈ និយាយថា ឈុតឆាកដែលថតនៅខេត្ដស្វាយរៀងកន្លងទៅបានប្រើមនុស្សជាង២០០នាក់ ដើម្បីសម្ដែងក្នុងឈុតវាយតប់គ្នាបង្កប់ដោយក្បាច់គុនល្បុក្កតោ និងរបាំអប្សរាខ្មែរ តែឈុតឆាកទាំងអស់នោះមិនអាចយកទៅប្រើបានដោយសារតែឌឺហ្គ័រឆាកមិនត្រូវ។
បើតាមលោកគ្រូ ច័ន្ទវីរៈ។ ឈុតសម្ដែងលើកក្រោយដែលនឹងចាប់ផ្ដើមពីថ្ងៃទី១៤ ដល់ថ្ងៃទី១៥ ខែមីនា នឹងធ្វើនៅខេត្តស្វាយរៀងដដែលដោយប្រើមនុស្សសម្ដែងប្រមាណ៧០នាក់ប៉ុណ្ណោះ ប៉ុន្ដែការតុបតែងទីតាំង និងសម្ភារៈប្រើក្នុងការសម្ដែងត្រូវសម្រិតសម្រាំងជាងមុន។
លោកគ្រូ ច័ន្ទវីរៈ ថាលោកឈឺក្បាលនឹងឈុតមួយនេះដោយសារលោកត្រូវសម្ដែងផង និងដឹកនាំរឿងផង ហើយត្រូវការចំណាយថវិកាច្រើនទៅលើការជួលពលរដ្ឋ និងតួល្បីៗមកសម្ដែងដើម្បីថតឡើងវិញ។ រឿងនេះមានទិសដៅបង្ហាញក្បាច់គុនល្បុក្កតោខ្មែរ និងរបាំអប្សរា។
រឿង"មិត្តក្របី" គឺជាស្នាដៃតែងនិពន្ធ និងដឹកនាំរឿងដោយគ្រូគុនល្បុក្កតោវ័យក្មេងវត្ដថាន់ល្បីឈ្មោះម្នាក់ គឺលោក ឆន ច័ន្ទវីរៈ គ្រោងបញ្ចប់ត្រឹមរយៈពេល១ម៉ោង និង៤៥នាទី។ រឿងនេះ បានថតជិត៥ខែហើយ ហើយគ្រោងថតបញ្ចប់នៅអំឡុងខែឧសភា ឆ្នាំ២០២០៕
