- 2020-04-15 07:12:06
- ព័ត៌មាន
ចូលរួមរំលែកទុក្ខផង ម្ដាយតារាសម្ដែង ហង្ស សម្បើមស័ក្តិ បាត់បង់ជីវិតមុននេះ
- 2020-04-15 07:12:06
- ចំនួនមតិ 0 | ចំនួនចែករំលែក 0
ចូលរួមរំលែកទុក្ខផង ម្ដាយតារាសម្ដែង ហង្ស សម្បើមស័ក្តិ បាត់បង់ជីវិតមុននេះ
ចន្លោះមិនឃើញ
តារាសម្ដែង ហង្ស សម្បើមស័ក្តិ នៅថ្ងៃនេះ បានជួបទុក្ខធំ ដោយសារតែអ្នកម្ដាយលោក បានលាចាកលោកនៅរសៀលនេះធ្វើឲ្យក្រុមគ្រួសារសោកសង្រេង ហើយមិត្តភ័ក្ដិច្រើនទៀត បាន និងកំពុងចូលរួមរំលែកទុក្ខក្រុមគ្រួសារនៃសព។
ដំណឹងនេះ ទើបតែបែកធ្លាយប៉ុន្មាននាទីមុន ក្រោយពីមិត្តសិល្បករជាច្រើន បានផ្ញើសាររំលែកទុក្ខក្រៀមក្រំទៅលោក សម្បើមស័ក្ដិ។ លោក ហង្ស សម្បើមស័ក្ដិ ត្រូវបានគេដឹងជាយូរមកហើយថា លោកមានម្ដាយជរាម្នាក់មានកើតជំងឺមហារីក ហើយលោកប្រឹងប្រែងធ្វើការងារសិល្បៈទាំងឡាយ ដើម្បីបានប្រាក់មក គឺគ្រាន់តែទុកមើលថែ និងព្យាបាលអ្នកមានគុណប៉ុណ្ណោះ។
ដូច្នោះហើយ គេកម្រឃើញតារាប្រុស មានពេលលេងសើចសប្បាយជាមួយមិត្តភក្តិសិល្បៈដទៃទៀតណាស់។ ប៉ុន្តែទើបតែព្រឹកមិញ គេទើបតែឃើញលោកចូលខ្លួនមកលេង Challenge ពាក់ម៉ាសដើម្បីការពារជំងឺ ខូវីដ ១៩ ម្ដងប៉ុណ្ណោះ ក្រោយពីមានមិត្តភ័ក្ដិផ្សេងទៀតបានហៅលោកចូលលេង។
យ៉ាងណា តារាប្រុសកម្សត់ មិនបានបញ្ចេញទឹកមុខសប្បាយរីករាយក្នុងការលេងល្បែងនេះជាមួយមិត្តភ័ក្ដិឡើយ ហើយស្រាប់តែរសៀលនេះមានដំណឹងថា អ្នកម្ដាយលោកបានចែកឋានទៅហើយ ក្រោយពីតស៊ូនឹងជំងឺរុំារៃអស់ពេលយ៉ាងយូរ។ តាមព័ត៌មាន សពម្ដាយរបស់លោក ហង្ស សម្បើមស័ក្តិ ត្រូវបានក្រុមគ្រួសារ យកទៅតម្កល់ធ្វើបុណ្យនៅវត្តទួលសង្កែ៕