- 2020-08-27 04:32:30
- ព័ត៌មាន
ត្រៀម! ចេញភាគ១ យប់នេះ «លួចស្រលាញ់» មាន ៨ចំណុចត្រូវចិត្តអ្នកមើលខ្លាំង មិនគួររំលង
- 2020-08-27 04:32:30
- ចំនួនមតិ 0 | ចំនួនចែករំលែក 0
ត្រៀម! ចេញភាគ១ យប់នេះ «លួចស្រលាញ់» មាន ៨ចំណុចត្រូវចិត្តអ្នកមើលខ្លាំង មិនគួររំលង
ចន្លោះមិនឃើញ
ទីបំផុត រឿងភាគខ្លី ចំណងជើង «លួចស្រលាញ់» បានប្រកាសថ្ងៃចេញផ្សាយហើយ គឺ ភាគ១ នឹងចេញនា ម៉ោង ៧យប់ ថ្ងៃ ព្រហស្បតិ៍ ទី ២៧ ខែសីហានេះ និង ភាគ ២ ចេញថ្ងៃទី ៣ ខែកញ្ញា ២០២០ ។ រឿងនេះ នឹងមានចាក់ផ្សាយលើហ្វេសប៊ុកផេក Sabay និង Smart Axiata នាម៉ោង ៧យប់ ។
គ្រាន់តែ ឃើញចំណងជើង ក៏ដូចជា វីដេអូ Teaser ដែលបានចេញកាលពីដើមខែសីហានេះ គ្រប់គ្នាអាចទាយបានថា នេះជាប្រភេទរឿងស្នេហាត្រីកោណ ដែលមើលទៅស្រស់ស្រាយត្រជាក់ចិត្ត មិនឲ្យអ្នកមើលស្រេ្តសឡើយ ឯតួអង្គទាំងបីថែមទាំងសម្ដែងបែបធម្មជាតិ ហើយស្អាតៗទាក់ភ្នែកគួរឲ្យស្រលាញ់ទៀត។
ក្រៅពីនេះអ្នកនិពន្ធ ក៏បានបង្ហើបប្រាប់ថានៅមានចំណុចពិសេស ៨ទៀត ដែលអាចត្រូវចិត្តអ្នកមើលច្រើន ដូចជា ៖
១. ដូចរឿងជីវិតពិតអ្នកខ្លះ ៖ សាច់រឿងស្រដៀងរឿងស្នេហាមនុស្សភាគច្រើន គ្មានអ្នកណាម្នាក់ដែលមិនធ្លាប់លួចស្រលាញ់គេនោះទេ អ្វីដែលសំខាន់ គឺជំហានបន្ទាប់ពីការលួចស្រលាញ់ហើយ គឺត្រូវធ្វើអ្វីទៀតដើម្បីទទួលបានទីបញ្ចប់ដ៏ល្អ។ ក្នុងរឿងនេះនឹងបង្ហាញពីរឿងរ៉ាវទាំងនេះ។
២. ប្រាប់រតិចនិកស្ទង់ចិត្តក្រាស ៖ ក្នុងរឿង នឹងបង្ហាញពីរបៀបស្ទង់មើលចិត្តមនុស្សដែលយើងលួចស្រលាញ់ថាមានចាប់អារម្មណ៍នឹងយើងវិញអត់ របៀបទាក់ចិត្តក្រាស និង របៀបស្វែងយល់ពីអារម្មណ៍ពិតខ្លួនឯង ព្រោះការលួចស្រលាញ់ខ្លះ អាចគ្រាន់តែជាអារម្មណ៍រំភើបមួយគ្រា ដែលអ្នកពិបាកនឹងយល់បែងចែក។
៣. តួក្នុងរឿងគួរឲ្យស្រលាញ់ និងក្លាហាន ៖ តួអង្គទាំងបីនាក់ ក្នុងរឿងសុទ្ធតែមានគំនិតជឿនលឿន ទាន់សម័យ ហ៊ានស្រលាញ់ ហ៊ានបង្ហាញ ហ៊ាននិយាយ ហ៊ានធ្វើ ហ៊ានលះបង់ ដែលត្រូវនឹងតថភាពសង្គមបច្ចុប្បន្ន។ ជាក់ស្តែងតួអង្គពិសី ដែលបានលួចស្រលាញ់បង នីត មិនបានធ្វើឲ្យអ្នកមើលតឹងទ្រូង ស្ទើរស្ទះដង្ហើមដូចតួអង្គលួចស្រលាញ់គេក្នុងរឿងផ្សេងៗទៀតឡើយ។
៤. បាញ់អ្នកចូលចិត្តដ្រាម៉ា ៖ សម័យនេះយុវវ័យណាក៏ចូលចិត្ត ដ្រាម៉ា និងញ៉ោះគ្នាលេងដែរ មានរឿងអីតិចតួច ធ្វើដូចមែនទែន ធ្វើឯងស៊ីអារម្មណ៍ ដូចតួក្នុងរឿង ពិសី និង វីដ គឺលេងសើចញ៉ោះគ្នារហូត។
៥. យកចិត្តទុកដាក់លើចំណុចតូចៗ តែបង្កប់អត្ថន័យធំធេង ៖ ក្នុងរឿងមានឈុតជាច្រើន ដែលតួប្រុស និងតួស្រី បានបង្ហាញការយកចិត្តទុកដាក់ចំពោះគ្នាលើចំណុចតូចៗ សាមញ្ញៗ តែបង្កប់អត្ថន័យជ្រៅ មើលទៅរ៉ូមែនទិចម្យ៉ាងដែរ។ ចង់ច្បាស់ទាល់តែចាំមើលរឿងជាក់ស្តែង នឹងឃើញហើយ។
៦. តួស្រីចូលចិត្តធាក់កង់ ៖ យកលេសហាត់ប្រាណដើម្បីបានជួបក្រាសក៏ត្រូវរឿងមនុស្សភាគច្រើនដែរ។ ពិសេសអ្នកចូលចិត្តធាក់កង់ មិនគួររំលងរឿងនេះទេ ព្រោះឈុតធាក់កង់ក្នុងរឿង លួចស្រលាញ់ ស្អាតខ្លាំងណាស់ ។
៧. ស៊ែរចម្រៀងឲ្យគ្នាស្តាប់ ៖ ចំណុចនេះគឺរ៉ូមែនទិចបំផុត ព្រោះតួអង្គក្នុងរឿងនេះ តែងប្រើចំរៀងដើម្បីបង្ហាញពីអារម្មណ៍ខ្លួនឯងដែលមិនអាច ឬពិបាក និយាយចេញមកត្រង់ៗ។
៨. សប្បាយទាយសាច់រឿងណាស់ ៖ ធម្មតារឿងស្នេហ៍ត្រីកោណអីចឹង ដឹងតែធ្វើឲ្យអ្នកមើលសប្បាយទាយថាចុងក្រោយតួណាបានជួបគ្នា ឬ តួណាសមគ្នាជាងគេ ។ អ្វីដែលពិសេសនោះ អ្នកនិពន្ធបង្ហើបប្រាប់ថា រឿងនេះចប់ទៅ អេមខ្លាំង ពិសេសនោះពេលតួរៀបរាប់អារម្មណ៍ខ្លួនឯងនៅវគ្គចុងក្រោយ ។
គួរបញ្ជាក់ដែរថា ក្រោយចេញ វីដេអូឈុតខ្លី Teaser កាលពីពាក់កណ្តាលខែសីហានេះ ឃើញថាមានហ្វេនជាច្រើនបានខំមិន និង ស៊ែរព្រោងព្រាតជាមួយការលេងហាសថេក #Friendzone #Crush និង #លួចស្រលាញ់ និងប្រាប់ពីបទពិសោធន៍លួចស្រលាញ់គេជាច្រើនឆ្នាំរបស់ខ្លួនឯងជាដើម៕
កុំភ្លេចរង់ចាំតាមដានទាំងអស់គ្នា បើចង់ដឹងច្បាស់ថាដូចរៀបរាប់ខាងលើនេះអត់។
តោះ! មើល Tesaser លេងទម្រាំរឿងចេញពេញថ្ងៃនេះ ម៉ោង ៧យប់៖