- 2020-09-07 02:44:45
- ចម្រៀង
ក្រោយស្ងាត់មួយរយៈធំ ស៊ឹម សុវណ្ណារ៉ុង ចេញបទថ្មី ២បទ ផ្ទុះខ្លាំង
- 2020-09-07 02:44:45
- ចំនួនមតិ 0 | ចំនួនចែករំលែក 0
ក្រោយស្ងាត់មួយរយៈធំ ស៊ឹម សុវណ្ណារ៉ុង ចេញបទថ្មី ២បទ ផ្ទុះខ្លាំង
ចន្លោះមិនឃើញ
តារាចម្រៀង ស៊ឹម សុវណ្ណារ៉ុង ដែលស្ងប់ស្ងាត់មួយរយៈធំហើយនោះ ឥឡូវបានបញ្ចេញបទថ្មីចំនួន២បទ ដែលសាមីខ្លួនអះអាងថា ទទួលបានការពេញនិយមច្រើនក្នុងរយៈខ្លីប៉ុណ្ណោះ។
បទចម្រៀងទាំងពីរបទនេះមានចំណងជើងថា "សម្ដែងចប់នៅ?” ប្រភេទសង់ទីម៉ង់ និងបទទី2 "អត់លុយអត់សង្សារ" ជាប្រភេទបទញ៉ាក់ បទទាំងពីរនេះ ជាបទភ្លេងនិពន្ធថ្មី ដែលជាការនិពន្ធទំនុកច្រៀងដោយលោក ចាប វីរៈ និពន្ធបទភ្លេងថ្មី Jane Roffer និងសម្រួលតន្ត្រី៖ Jane Roffer ដែលចេញក្នុង ក្រុមមួយមានឈ្មោះថា 3pixels media ដែលគ្រប់គ្រងដោយលោក sethin cartoon និង maco chan។
បទទាំងពីរចេញបានប្រមាណកន្លះខែហើយ និងទទួលបានការគាំទ្រយ៉ាងច្រើន។ សុវណ្ណារ៉ុង ថ្លែង " បទថ្មីទាំង2បទរបស់ប្អូនមានការគាំទ្រច្រើន ពីសំណាក់បងប្អូន ហ្វេនៗខ្លាំង ក្នុងបណ្ដា fb youtube និង TikTok។ តាមសម្គាល់មើល ទើបនឹងចេញបានកន្លះខែជាង អ្នកចូលទស្សនា និងស្គាល់បទថ្មីប្អូន ទាំង2បទនេះចូល1M ដងជាងដែរហើយ!"។
តារាចម្រៀងធ្លាប់មានប្រវត្តិតស៊ូធ្វើជាកម្មករនៅប្រទេសថៃរូបនេះ អះអាងនេះ នេះចាត់ទុកថា ជោគជ័យមួយខ្លួន ក្រោយពីបានធ្វើឲ្យប្រិយមិត្តស្គាល់តាមរយៈបទ "កុំទ្រាំស្នេហ៍អ្នកក្រដូចបង!” ខណៈលោកពុំសូវបានចេញបទ និងផ្ទុះខ្លាំងបែបនេះយូរហើយ។
តាមការបញ្ជាក់របស់តារាចម្រៀងប្រុស វីដេអូចម្រៀងពេញលេញ នៃបទបាន និងកំពុងពេញនិយមខាងលើ ត្រូវបានរៀបចំស្រេចបាច់អស់ហើយ ដោយបានចុះទៅថតផ្ទាល់ដល់ខេត្តសៀមរាប។ តាមគម្រោង លោក នឹងចេញវីដេអូចម្រៀងនោះ នៅក្នុងថ្ងៃឆ្លងនៃពិធីបុណ្យភ្ជុំបិណ្ឌតែម្ដង។ តោះ...ស្ដាប់ទាំងអស់គ្នា!!!