- 2020-09-23 08:02:49
- ចម្រៀង
អតីតសិស្សសាលារចនា បែកគ្នាយូរពេក ដល់ពេលជួបគ្នាលេងមួយទំហឹងទាំងកណ្ដាលភ្លៀង
- 2020-09-23 08:02:49
- ចំនួនមតិ 0 | ចំនួនចែករំលែក 0
អតីតសិស្សសាលារចនា បែកគ្នាយូរពេក ដល់ពេលជួបគ្នាលេងមួយទំហឹងទាំងកណ្ដាលភ្លៀង
ចន្លោះមិនឃើញ
អតីតសិស្សសាលារចនា និងវិចិត្រសិល្បៈសម្ដេចព្រះរាមបុប្ផា ទេវីឈូកស បន្ទាយស្រី ២រូប បានរំលឹកអនុស្សាវរីយ៍ចាស់របស់ខ្លួនដោយរាំរបាំព្រះរាជទ្រព្យក្នុងរឿងរាមកេរ្តិ៍វគ្គ"សុវណ្ណមច្ឆា" ក្រោមដំណក់ទឹកភ្លៀងក្បែរមាត់បឹងមួយ នាខេត្ដសៀមរាប មើលទៅគួរឲ្យចាប់អារម្មណ៍។
វីដេអូរយៈពេល១នាទី ដែលបង្ហាញពីក្បាច់រាំយ៉ាងប៉ិនប្រសព្វទាំងប្អូនប្រុស យ៉ា លាង ដែលជាតួអង្គស្វាលៀមយក្ស និងប្អូនស្រីឈ្មោះ សម មករា ដែលជាតួអង្គសុវណ្ណមច្ឆា ទទួលបានការគាំទ្រច្រើនពីមិត្តភ័ក្ដិរបស់គេ ក្រោយពីបង្ហោះនៅ លើបណ្ដាញសង្គមហ្វេសប៊ុក។
កញ្ញា សម មករា និយាយថា រូបនាង និងមិត្តភ័ក្ដិ ធ្លាប់រៀនសាលារចនា និងដើរសម្ដែងតាមប្រាសាទក្នុងតំបន់អង្គរជូនភ្ញៀវទេសចរណ៍ទស្សនា បានបែកគ្នាជាច្រើនឆ្នាំមកហើយ ទើបតែនៅថ្ងៃបុណ្យកាន់បិណ្ឌទី៣ នៃពិធីបុណ្យកាន់បិណ្ឌ និងភ្ជុំបិណ្ឌឆ្នាំ២០២០ នេះ បានជួបគ្នាក៏នឹកឃើញចង់ច្រៀងរាំលេងជាមួយគ្នាម្ដងទៀត។
បច្ចុប្បន្នប្អូនស្រី សម មករា បានក្លាយជាអ្នកបកប្រែភាសាចិននៅក្នុងរោងចក្រមួយនារាជធានីភ្នំពេញ។ រីឯប្អូនប្រុស យ៉ា លាង ក៏បានក្លាយជាគ្រូពេទ្យម្នាក់នៅភ្នំពេញដែរ។ ត្បិតថា អ្នកទាំងពីរមានអាជីព ស្ថិតនៅក្រៅចង្កោមសិល្បៈ ប៉ុន្តែអ្នកទាំងពីរមានចិត្តស្រឡាញ់ និងថែរក្សាវប្បធម៌បុរាណខ្មែរ ដោយគេបានស្លៀកពាក់បុរាណ ហើយថតរូបជាមួយគ្នាទៀតផង។ ពួកគេ ចង់ឲ្យជនរួមជាតិ ជួយលើកតម្កើងសិល្បៈវប្បធម៌ខ្មែរឲ្យកាន់តែផុលផុស៕