ស្អាតណាស់! មាន សូនីតា ត្រឡប់មកសិចស៊ីម្ដងទៀត លេងម៉ូដវាលអស់ផ្នែកខាងក្រោយ

2020-11-13 04:16:28
ស្ទីលតារា

2020-11-13 04:16:28
ចំនួនមតិ 0 | ចំនួនចែករំលែក 0

ចន្លោះមិនឃើញ

មាន សូនីតា បានស្ងប់ស្ងាត់សកម្មភាពថតរូបសិល្បៈសិចស៊ីបង្ហោះលើបណ្ដាញសង្គមមួយរយៈធំមកហើយ ចាប់ទាំងពីមានអ្នករិះគន់នាងបន្តបន្ទាប់ បើទោះក្នុងនោះក៏មានអ្នកសរសើរនាងក៏ដោយ។ ឥឡូវនេះ នាងបានត្រឡប់មកម្ដងទៀត ជាមួយការតុបតែងខ្លួនវាលអស់ផ្នែកខាងក្រោយ។

រូបថត៣សន្លឹក នាងបានបង្ហោះ នៅលើបណ្ដាញសង្គមរបស់នាងថ្មីៗ ធ្វើឲ្យមានការចាប់អារម្មណ៍ជាថ្មី។ រូបនោះ សូនីតា បានដល់ទីកន្លែងវាលស្រែមួយ ដែលតាមការបញ្ជាក់របស់នាង គឺនៅក្នុងខេត្តសៀមរាប។ ចំណុចចាប់អារម្មណ៍ គេមើលឃើញតារាស្រី ទទួលបានភាពទាក់ទាញខ្លាំង តាមរយៈរូបសម្រស់ និងស្ទីលតុបតែងខ្លួនរបស់នាង ដែលបានបង្ហាញផ្នែកខាងខ្នងទាំងស្រុង ឃើញសាច់ខ្នងរបស់នាងសស្អាតគួរឲ្យចង់នែបនិត្យ។

ចំណុចនេះ ត្រូវបានកត់សម្គាល់ថា នេះជាទិដ្ឋភាពថ្មីរបស់រាជិនីក្រមា ដែលនាងខកខានបង្ហាញរូបភាពបែបនេះជាយូរមកហើយ ក្រោយពីនាងបានរងការរិះគន់ ដោយសារតែបានបញ្ចេញរូបភាពសិចស៊ីម្ដងហើយម្ដងទៀតលើបណ្ដាញសង្គមរបស់នាង កាលពីពាក់កណ្ដាលឆ្នាំ ២០២០នេះ ដែលគេមើលឃើញថា មានភាពខុសប្លែកពីទម្លាប់របស់នាងកាលពីអតីតកាល។

កាលណោះ សាមីខ្លួន បានបកស្រាយថា អ្វីដែលប្រិយមិត្តបានឃើញ គឺជាការផ្លាស់ប្ដូរស្ទីលផ្ទាល់ខ្លួនរបស់នាងក្នុងនាមជាអ្នកសិល្បៈ ដែលត្រូវមានអ្វីថ្មីផ្ដល់ជូនប្រិយមិត្តអ្នកគាំទ្រ។ ត្បិតថា មានការសរសើរច្រើន តែក៏មានអ្នករិះគន់មិនតិចដែរ ដោយសំអាងថា ការផ្លាស់ប្ដូររបស់ សូនីតា មិនសមនឹងរហស្សនាម "រាជិនីក្រមា" ដែលអ្នកគាំទ្របានដាក់ឲ្យនោះឡើយ។

តាំងពីពេលនោះមក តារាស្រីដ៏ស្រស់ផូរផង់រូបនេះ ក៏កាត់បន្ថយសកម្មភាពសិចស៊ីរបស់ខ្លួន ដោយទើបតែឃើញខ្លះៗឡើងវិញនៅពេលនេះ តាមរយៈរូបភាពប៉ុន្មានសន្លឹកខាងក្រោម។ តោះ...ទស្សនាទាំងអស់គ្នា!