- 2021-02-01 03:14:02
- ភាពយន្ត
មូលហេតុនៅពីក្រោយ សន ពិសិដ្ឋ កោរត្រងោល និងសុខចិត្តទម្លាក់ចោលការងារសិល្បៈខ្លះចោល ដើម្បីថតរឿងមួយនេះ
- 2021-02-01 03:14:02
- ចំនួនមតិ 0 | ចំនួនចែករំលែក 0
មូលហេតុនៅពីក្រោយ សន ពិសិដ្ឋ កោរត្រងោល និងសុខចិត្តទម្លាក់ចោលការងារសិល្បៈខ្លះចោល ដើម្បីថតរឿងមួយនេះ
ចន្លោះមិនឃើញ
តារាសម្ដែងប្រុសសម្បូរសាច់ដុំ សន ពិសិដ្ឋ សម្រេចទម្លាក់ចោលការងារសិល្បៈមួយចំនួននៅដើមឆ្នាំ២០២១ ខណៈទីផ្សារសម្ដែង និងច្រៀងទើបងើបឡើងវិញបន្តិច ដើម្បីទទួលថតតែរឿងមួយគត់ដែលអ្នកដឹកនាំតម្រូវឲ្យលោកកោរសក់ដើម្បីដើរជាតួអង្គឯក។
លោក សន ពិសិដ្ឋ ប្រាប់ Sabay ថា ដំបូងឡើយលោកអល់អែកក្នុងការទទួលថតរឿងនេះ ព្រោះលោកត្រូវកោរសក់ដើរតួជាភិក្ខុសង្ឃ។ ដូច្នេះរឿង ឬស្ពតពាណិជ្ជកម្មផ្សេងៗទៀត ត្រូវអាក់ខាននៅអំឡុងពេលដែលលោកកោរសក់នេះ។ប៉ុន្តែក្រោយពីលោកដឹងពីខ្លឹមសារ នៃខ្សែភាពយន្តភាគមួយនេះ ទើបលោកលែងស្ដាយការងារផ្សេងៗ ហើយស្រវាចាប់តែរឿងមួយនេះប៉ុណ្ណោះ ព្រោះលោកយល់ថារូបលោកធ្លាប់ដើរធ្លាប់ដើរតួស្ទើរគ្រប់ប្រភេទ និងគ្រប់រសជាតិ គឺនៅតែតួអង្គព្រះសង្ឃមួយប៉ុណ្ណោះ។
សន ពិសិដ្ឋ៖"ការងារសិល្បៈដើមឆ្នាំ២០២១ មានច្រើនបង តែខ្ញុំទម្លាក់វាសិន ហើយងាកមកថតរឿងមួយដែលជាតួអង្គឯកដែលខ្ញុំគិតថាវាលំបាក តែតួអង្គជាភិក្ខុសង្ឃមានការសង្រួមអីចឹង ខ្ញុំចង់ភ្លក់រសជាតិម្ដង ខ្ញុំមិនឲ្យវារំលងទៅទេ"។
ទោះជាយ៉ាងណា រឿងដែលលោកកំពុងថតនេះ មានចំណងជើងអ្វី? ហើយមានខ្លឹមសារបែបណានោះ? មិនទាន់ត្រូវសាមីខ្លួន និងអ្នកដឹកនាំរឿងបង្ហើបឲ្យដឹងនៅឡើយទេ។ ប៉ុន្តែប្រភពដ៏ឲ្យទុកចិត្តមួយបានបង្ហើបថា រឿងដែលលោក សន ពិសិដ្ឋ កំពុងថតនេះ គឺមានចំណងជើងថា"ភិក្ខុពនេចរ" ដែលជាប្រភេទរឿងភាគ មានចំនួន២០ភាគ។ រឿងមួយនេះ មានឈុតឆាកស្ទើរទាំងស្រុង បានឆ្លុះបញ្ចាំងពីការរស់នៅ និងការប្រព្រឹត្តិទៅ នៃភិក្ខុសង្ឃក្នុងសម័យពុទ្ធកាល៕
