- 2021-02-02 05:07:01
- ភាពយន្ត
ដឹងអត់...តំណែងតួអង្គឯករបស់ សេង រដ្ឋា ក្នុងខ្សែភាពយន្តភាគដំបូងរបស់ខ្លួនទទួលបានប៉ុន្មាន?
- 2021-02-02 05:07:01
- ចំនួនមតិ 0 | ចំនួនចែករំលែក 0
ដឹងអត់...តំណែងតួអង្គឯករបស់ សេង រដ្ឋា ក្នុងខ្សែភាពយន្តភាគដំបូងរបស់ខ្លួនទទួលបានប៉ុន្មាន?
ចន្លោះមិនឃើញ
នៅថ្ងៃនេះ អតីតកញ្ញាឯកដ៏ឆ្នើមឆ្នាំ២០២០ សេង រដ្ឋា ចាប់បានឱកាសសម្ដែងខ្សែភាពយន្តភាគជាលើកដំបូង ហើយបានដើរជាតួអង្គឯកស្រីទៀតផង បន្ទាប់ពីជយលាភីលេខ១របស់នាងត្រូវបានដក ហើយផលិតកម្មមហាហង្សដែលជាអ្នករៀបចំកម្មវិធី Miss Grand Cambodia បានធ្វើពិធីផ្ទេរតំណែង និងគ្រងម្កុដសារជាថ្មីកាលពីល្ងាចមិញ។
កញ្ញា សេង រដ្ឋា បានប្រាប់ Sabay នៅមុននេះបន្តិចថា កញ្ញាលែងនឹកនា និងចង់ជជែកវែករឿងមុខតំណែងអ្វីទៀតហើយ ព្រោះរឿងរ៉ាវបានបញ្ចប់ដោយសន្តិវិធីហើយ។ កញ្ញាថា រឿងដែលត្រូវគិត និងបង្ហាញសមត្ថភាពបន្ដនោះ គឺទទួលយកការងារសិល្បៈថ្មីៗ តាមរយៈអាជីពដើរម៉ូត និងចាប់ផ្ដើមការងារសម្ដែង។
សេង រដ្ឋា បង្ហើបថា តំណែងតួអង្គឯកស្រីដែលនាងទើបទទួលបាននេះ គឺមានតម្លៃខ្លួនជាង៤០០០ដុល្លារ បូករួមនឹងអត្ថប្រយោជន៍មួយចំនួនទៀត។ ស្របពេលគ្នានឹងការថតរឿងនេះ កញ្ញា សេង រដ្ឋា ក៏នៅបន្តទទួលថតស្ពតពាណិជ្ជកម្ម និងសម្អាងការផ្សេងៗដែរ ប៉ុន្តែកញ្ញាមិនបានប្រាប់ពីតម្លៃខ្លួនក្នុងការថតសម្អាងការ ឬស្ពតទាំងនោះទេ។
ជុំវិញដំណឹងកញ្ញា សេង រដ្ឋា ទទួលបានដំណែងជាតួអង្គឯកស្រីលើកដំបូងនេះ ត្រូវបានតារាសម្ដែងជើងចាស់ សាវិន ហ្វីលីប ប្រកាសថា ភាពយន្ដភាគរឿង"បាបស្នេហ៍អតីត" នឹងធ្វើពិធីក្រុងពាលីនៅថ្ងៃទី៣ ខែកុម្ភៈ ឆ្នាំ២០២១ ដោយផលិតកម្ម Ad music ។ កញ្ញា សេង រដ្ឋា ទទួលបានតំណែងជាតួអង្គឯកស្រី ហើយលោកនឹងសម្ដែងជាតួឪពុករបស់លោក ឃឹម ហ្សានីត ដែលនឹងត្រូវសម្ដែងជាអង្គឯកប្រុស។ រឿងនឹងចាក់បញ្ចាំងនៅលើកញ្ចក់ទូរទស្សន៍ ភី អិន អិន៕
